Հայտնի կրկեսային լարախաղաց  Նիք Վալենդան այսօր կփորձի պարանի վրա քայլելով անցնել Նիագարա ջրվեժի վրայով: Վերջին անգամ նման փորձ կատարվել է 100 տարի առաջ:

«Զբոսանքը»  պարանի վրայով լարախաղացը կսկսի ջրվեժի ամերիկյան մասից և կավարտի կանադական մասում: Վալենդայի սխրանքն ուղիղ եթերում կհեռարձակի ամերիկյան «ABC» հեռուստաալիքը: Բազմաթիվ զբոսաշրջիկներ արդեն զբաղեցրել են մոտակա հյուրանոցների համարները:

550 մետր ճանապարհը Վալենդան ակնկալում է հաղթահարել 40 րոպեում: Լարախաղացին կապահովագրեն փրկարար ուղղաթիռը և ջրասուզակների խումբը: Ջրվեժի բարձրությունը 52 մետր է:

Վալենդան 6 անգամ գրանցվել է Գինեսի ռեկորդների գրքում, այդ թվում՝ նաև հեծանվով լարի վրայով ամենաերկար ուղին անցնելու համար: