Հենց  նոր 5–րդ գումարման խորհրդարանն ընտրել է 12 մշտական հանձնաժողովների նախագահներին։

ՀՀԿ–ն իրավունք ուներ նախագահներ առաջարկել 8, իսկ ԲՀԿ–ն՝ 4 հանձնաժողովներում։

ՀՀԿ–ն առաջարկել էր հետևյալ թեկնածությունները.

1. Առողջապահության, մայրության և մանկության հարցերի մշտական հանձնաժողով–Արա Բաբլոյան
2. Արտաքին հարաբերությունների մշտական հանձնաժողով–Արտակ Զաքարյան
3. Գիտության, կրթության, մշակույթի, երիտասարդության և սպորտի հարցերի մշտական հանձնաժողով–Արտակ Դավթյան
4. Պաշտպանության, ազգային անվտանգության և ներքին գործերի մշտական հանձնաժողով–Կորյուն Նահապետյան
5. Պետական-իրավական հարցերի մշտական հանձնաժողով–Դավիթ Հարությունյան
6. Սոցիալական հարցերի մշտական հանձնաժողով–Հակոբ Հակոբյան
7. Տնտեսական հարցերի մշտական հանձնաժողով–Վարդան Այվազյան
8. Ֆինանսավարկային և բյուջետային հարցերի մշտական հանձնաժողով–Գագիկ Մինասյան

ԲՀԿ–ն առաջարկել էր հետևյալ թեկնածությունները.

1. Եվրոպական ինտեգրման հարցերի մշտական հանձնաժողով–Նաիրա Զոհրաբյան
2. Մարդու իրավունքների պաշտպանության և հանրային հարցերի մշտական հանձնաժողով–Էլինար Վարդանյան
3. Գյուղատնտեսական և բնապահպանական հարցերի մշտական հանձնաժողով–Սամվել Բալասանյան
4. Տարածքային կառավարման և տեղական ինքնակառավարման հարցերի մշտական հանձնաժողով–Ստեփան Մարգարյան։

Այսպիսով, նոր գումարման խորհրդարանի առաջին նիստն ավարտվեց։

Օրակարգի վերջին՝ կառավարության ծրագրին հավանություն տալու հարցին խորհրդարանը կարող է անդրադառնալ միայն նոր կառավարության ձևավորումից հետո։

7or.am