Մայիսի 4–ին Հանրապետության հրապարակում ՀՀԿ–ի համերգ–հանրահավաքի ժամանակ փուչիկների պայթյունից տարբեր աստիճանի վնասվածք ստացած քաղաքացիներից 11–ը դեռ գտնվում է Ճառագայթային բժշկության և այրվածքների գիտական կենտրոնում, որտեղ համապատասխան բուժում է ստանում։ Այս մասին «7օր»–ին հայտնել է առողջապահության նախարարի մամլո քարտուղար Շուշան Հունանյանը՝ հավելելով, որ հիվանդները շուտով դուրս կգրվեն։

«7օր»–ը փորձել է պարզել՝ գործի հետաքննությունը ներկայումս ինչ վիճակում է՝ արդյոք կա՞ն տեղի ունեցածի համար պատասխանատու կասկածյալներ, սակայն ոստիկանությունից հայտնել են, որ դեռ նախաքննություն է տարվում։ Այս գործի հետ կապված պարզաբանումներ չի հաջողվել ստանալ նաև Հանրապետական կուսակցության ներկայացուցիչներից. ՀՀԿ մամլո խոսնակ Էդուարդ Շարմազանովի հեռախոսն անջատված է, ՀՀԿ կենտրոնական գրասենյակի հեռախոսներին էլ ոչ ոք չի պատասխանում։

7or.am