Քաղաքագետների միության նախաձեռնած՝ ընտրությունների վերահսկողության միասնական հանրային կենտրոնական շտաբ ձևավորելը «Բարգավաճ Հայաստան» կուսակցության ներկայացուցիչ Վարդան Օսկանյանը ողջունում է։ Նա ընդգծել է, որ 5–րդ գումարման խորհրդարանն ենք ձևավորում, և թերևս, բացի մեկից, մնացած բոլոր ընտրությունների դեպքերում խախտումներ եղել են, ու տարիների ընթացքում ժողովրդի մոտ թերահավատություն է ստեղծվել՝ մարդիկ չեն հավատում, որ կարող են ազատ, արդար ընտրություններ տեղի ունենալ։

–ԲՀԿ–ն պատրաստ է համատեղ աշխատել բոլոր քաղաքական ուժերի հետ,–ասել է Վ. Օսկանյանը՝ ավելացնելով, որ պետք է ամեն ինչ անել, որպեսզի կասկած անգամ չլինի ընտրությունների ազատ և արդար լինելու հարցում։

7or.am