Սոչիում կայացած Ռուսաստանի և Թուրքիայի վարչապետների հանդիպման ժամանակ անդրադարձ է եղել տարաշարջանի ներկա վիճակին։ Ռուսաստանի վարչապետ Վլադիմիր Պուտինը, նշել է, որ Ղարաբաղյան հիմնահարցի կարգավորման գործում միայն հակամարտող կողմերը կարող են լուծում գտնել։ Իսկ բանակցային գործընթացի մասնակիցները կարող են միայն օժանդակել հիմնախնդրի լուծմանը։ REGNUM-ը գրում է, որ Պուտինի այս խոսքերը մեծ հաշվով ուղղված էին Թուրքիային, որը փորձում է ակտիվ դերակատարություն ունենալ Հայաստանի և Ադրբեջանի միջև ընթացող բանակցություններում։