Քիչ առաջ ահազանգ ստացանք, որ «Երևանի ավտոբուս» ՓԲԸ-ի 50 վարորդներ, ստանալով նախորդ ամսվա աշխատավարձը, տեսնելով, որ վարձատրվել են ակնկալվող գումարից պակաս չափով, դիմում եմ գրել և հեռացել աշխատանքից։ Խոսքը ZHONG TONG ավտոբուսների վարորդների մասին է։ Ըստ ահազանգող վարորդների՝ կապ չունի, 07։00 ես ավտոբուսով դուրս գալիս հավաքակայանից, թե ասենք՝ 07:25, միևնույնն է, դարպասի մոտ ֆիքսվում է 07։55, ինչի արդյունքում ժամավճարը նվազում է։

#բոյկոտ

***

Ի լրումն ցերեկվա գրառման։

Ահազանգող վարորդները ճշգրտեցին, որ իրականում HIGER ավտոբուսների վարորդներն են դիմումներ գրել՝ կանխատեսվող աշխատավարձից մի քանի տասնյակ հազար դրամով պակաս աշխատավարձ հաշվարկելու պատճառով։

Կհերքե՞ք, թե՞ հետ կկանգնեք ձեր որոշած աշխատավարձերից ու վարորդներին կվարձատրեք ըստ պայմանավորվածության՝ աղմուկից խուսափելու համար։

Երևանի ավագանու «Մայր Հայաստան» խմբակցության ղեկավար Մանուկ Սուքիասյանի ֆեյսբուքյան էջից