Հարցազրույց

29.11.2011 15:23


Արթուր Օսիկյան.

Արթուր Օսիկյան.

Հարցազրույց փոխոստիկանապետ Արթուր Օսիկյանի հետ

Այս պահին խորհրդարանում քննարկվում է «Վարչական իրավախախտումների վերաբերյալ ՀՀ oրենuգրքում փոփոխություններ և լրացումներ կատարելու մասին» նախագիծը, համաձայն որի՝ ոստիկանության ծառայողին իր պարտականությունների կատարման հետ կապված վիրավորանքի, այսինքն՝ խոսքի, պատկերի, ձայնի կամ այլ նշանի, ոստիկանության ծառայողի պատիվը, արժանապատվությունը արատավորելու համար քաղաքացին տուգանվելու է uահմանված նվազագույն աշխատավարձի հիսնապատիկի չափով։ Այս օրինագիծը, այն էլ՝ արտահերթ կարգով ներկայացնելը, կապված չէ՞ արդյոք առաջիկա ընտրությունների հետ։

Ես չեմ կարծում, որ վարչական իրավախախտումը կամ դրա նախատեսումը մահակ է։ Մանավանդ այս տուգանքը ամբողջ աշխարհում տարածված է։ Մենք միջազգային ստանդարտներին համապատասխան ոստիկանների պահանջ ունենք։ Մենք ասում ենք՝ ոստիկանը պետք է գործի համապատասխան օրենքի շրջանակներում։ Բայց մյուս կողմից մոռանում ենք ոստիկանների իրավունքների պաշտպանության մասին։ Այսինքն, մենք ոչ միայն ոստիկանին պետք է կրթենք, ոստիկանի գործողությունները համապատասխանեցնենք չափանիշներին, այլ նաև ոստիկանի պաշտպանական մեխանիզմները, որոնք կան այլ երկրներում, կիրառենք մեզ մոտ։ Սա երկկողմանի պաշտպանության խնդիր է։

Ներկա դրությամբ ցուցարարնե՞րն են ավելի շատ խախտում ոստիկանների իրավունքները, թե՞ ոստիկանները՝ ցուցարարների։

–Կարող եմ ասել, որ ոստիկանները հասարակական կարգի պահպանության ընթացքում ավելի պատշաճ են իրենց վարքագծում, քան երեք, չորս, հինգ տարի առաջ էր։ Մենք հիմա միանգամայն այլ մոտեցում ենք ցուցաբերում ոստիկանների նկատմամբ, մշտապես պարապմունքների, ուղեցույցերի միջոցով փորձում ենք այնպես անել, որ նրանց գործողությունները շատ ավելի իրավաչափ լինեն, քան նախկինում էր։

Ներկայացված օրինագծով վիրավորանք են համարվում նաև ժեստերը։ Բայց հստակեցվա՞ծ են, թե որ ժեստերն են վիրավորական։ Մեկի համար տվյալ ժեստը կարող է վիրավորանք լինել, մյուսի համար՝ ոչ։

Ցանկացած եղանակով հասցվածը վիրավորանք է, եթե վիրավորանք կհամարվի։ Դա պետք է քննության ժամանակ պարզվի։

Բայց ինչպե՞ս են որոշելու, որ դա վիրավորանք է։

–Շատ եվրոպական երկրներում անգամ պատկերների միջոցով է տրվում, թե որ ժեստի համար ինչպիսի տուգանք է սահմանվում։

Մեզ մոտ այդպիսի պատկերներ արդեն կա՞ն։

–Դեռևս ոչ։ Կարծում եմ՝ նախագծում հետագայում կհստակեցվեն։

Հարցազրույցը վարեց Արեգնազ Մանուկյանը

Այս խորագրի վերջին նյութերը