Երուսաղեմում` շուրջ 30 մարդկանցից կազմված խումբը հարձակվել է Հայկական թաղամասում գտնվող հայապատկան տարածքի վրա:

Քարեր են նետվել հայերի ուղղությամբ, մարդիկ վիրավորումներ են ստացել: Տեսանյութում երևում է` ինչպես են հայ հոգևորականները փորձում պաշտպանել հայապատկան տարածքը:

Երուսաղեմի հայապատկան տարածքի շուրջ ճգնաժամն արդեն մի քանի ամիս ծայրահեղ սրված է: Նման հարձակումների մի քանի դեպք է գրանցվել վերջին շրջանում: Համայնքը` իր սահմանափակ ուժերով ինքնապաշտպանական խմբեր է կազմել և փորձում է պաշտպանել հայկական ունեցվածքը և ժառանգությունը:

Հայկական ժառանգության շուրջ թեման այնքան մեծ հնչեղություն է ստացել, որ դրան անգամ շաբաթներ առաջ անդրադարձել էր ՌԴ ԱԳՆ խոսնակ Մարիա Զախարովան` կոչ անելով Իսրայելի իշխանություններին պաշտպանել կրոնական փոքրամասնությունների ներկայացուցիչների իրավունքները:

Ի՞նչ եք կարծում, ինչպես է թեմային արձագանքել ՀՀ ԱԳՆ-ն կամ պաշտոնական Երևանը: Քանի որ թեման վերաբերում է հայերի և հայկական ժառանգության պաշտպանությանն ու Ադրբեջանի գլխավոր գործընկեր պետություններից մեկին` ՀՀ պաշտոնյաները որոշել են ցուցաբերել իրենց դեպքում հնարավոր ամենամեծ օժանդակությունը և լռել:Ընդհանրապես, կարող եք հիշել մի դեպք, երբ ներկա իշխանության ներկայացուցիչները իշխանությունն օգտագործել են ոչ թե վոյաժների, ընտանիքի անդամների հարստացման, սեփական անվտանգության ապահովման, այլ հայ մարդու կամ հայկական ժառնգության պաշտպանության համար:

Քրիստինե Վարդանյանի ֆեյսբուքյան էջից