ՀՀ ոստիկանապետ Ալիկ Սարգսյանը լրագրողների հետ հանդիպման ժամանակ հաստատել է, որ գեներալ Մանվել Գրիգորյանի երկու թիկնապահները, որոնք ապրիլի 27-ին մարմնական վնասվածքներ են հասցրել մի քաղաքացու, բերման են ենթարկվել ոստիկանություն։ Ալիկ Սարգսյանի խոսքերով, քաղաքացին դիմել է Էրեբունի բժշկական կենտրոն, այնուհետև՝ համապատասխան հայտարարություն ներկայացրել ոստկանություն։

-Թիկնապահները բերման են ենթարկվել, և այս պահին համապատասխան աշխատանքներ են տարվում։ Տուժողը կգա, կճանաչի, և գործին ընթացք կտրվի,- ասել է Ալիկ Սարգսյանը։