Երգչուհի Բեյոնսեն և նրա ամուսինը՝ ռեփեր Ջեյ Զին, գնել են Կալիֆորնիայի ամենաթանկ առանձնատունը։ Այս մասին հայտնում է TMZ-ը՝ վկայակոչելով աղբյուրին։

Բեյոնսեն և Ջեյ Զին անշարժ գույքի սեփականատեր են դարձել Մալիբուի հեղինակավոր Paradise Cove տարածքում: Առանձնատունը, որը տեղադրված է Խաղաղ օվկիանոս նայող ժայռի վրա, նախագծվել է ճապոնացի հայտնի ճարտարապետ Տադաո Անդոյի կողմից: Սկզբում այն ​​վաճառքի էր հանվել ռեկորդային 295 մլն դոլարով, սակայն աստղային զույգին վաճառվել է ավելի փոքր գումարով՝ 200 մլն դոլարով, սակայն, ըստ լրագրողների, այսօր այն Կալիֆորնիա նահանգի ամենաթանկ տունն է։

2017 թվականին զույգը 88 միլիոն դոլարով առանձնատուն է գնել Լոս Անջելեսի արևմտյան հատվածում՝ Բել Էյրում։

Բեյոնսեն և Ջեյ Զին ամուսնացել են 2008 թվականին՝ վեց տարվա սիրավեպից հետո։ 2012 թվականին զույգը դուստր է ունեցել, ում անվանել են Բլյու Այվի, իսկ 2017 թվականին ծնվել են երկվորյակները՝ Սըրը և Ռումին։

Աղբյուրը՝ style.news.am