Եռակողմ հայտարարության երկու կողմերը (Երևանն ու Բաքուն) դե ֆակտո հետ են վերցրել իրենց ստորագրությունները նոյեմբերի 9-ի փաստաթղթից

● Կարծիք

24.04.2023 ● 15:41

Եռակողմ հայտարարության երկու կողմերը (Երևանն ու Բաքուն) դե ֆակտո հետ են վերցրել իրենց ստորագրությունները նոյեմբերի 9-ի փաստաթղթից

Այն, ինչ կատարվում է Լաչինի միջանցքում, ուղղակի հետևանք է այն բանի, որ 2020 թվականի նոյեմբերի 9-ի հայտարարությունն այլևս գոյություն չունի։ Փաշինյանն ու Ալիևը 2022 թվականի հոկտեմբերին Պրահայում ԵՄ-ի և Ֆրանսիայի միջնորդությամբ «խմբագրել» են հայտարարությունը. Փաշինյանը ճանաչել է Բաքվի ինքնիշխանությունը Արցախի նկատմամբ, հետևաբար նաև Լաչինի միջանցքի նկատմամբ, իսկ Ալիևը փակել է միջանցքը։

Եռակողմ հայտարարության երկու կողմերը (Երևանն ու Բաքուն) դե ֆակտո հետ են վերցրել իրենց ստորագրությունները նոյեմբերի 9-ի փաստաթղթից, և Արայիկ Հարությունյանը չի կարող դա չիմանալ / չհասկանալ։

Այսօր Լաչինի միջանցքում Ադրբեջանի կանոնավոր բանակի ստորաբաժանումներ չկան միայն ՄԵԿ պատճառով՝ Պրահայի համաձայնությունը ԴԵՌ ստորագրված չէ, սակայն, հաշվի առնելով մայիսին սպասվող Հայաստան-ԱՄՆ-Ադրբեջան ձևաչափով վաշինգտոնյան հանդիպումը, կարելի է ենթադրել, որ այդ «հարցը շուտով կլուծվի»։

Նիկոլ Փաշինյանն իր ձեռքով ոչնչացրել է նոյեմբերի 9-ի հայտարարությունը, իսկ Արցախի ժողովրդին դատապարտել.... Մեր ԱԳՆ-ն կոչ է անում Ռուսաստանի Դաշնությանը ապահովել նոյեմբերի 9-ի համաձայնագրի կետերի կատարումը, ԲԱՅՑ առաջին հերթին պետք է ՄԵՐ ժողովրդին անկեղծորեն ասի, որ Նիկոլ Փաշինյանն ինքը դուրս է եկել այս համաձայնագրից։

Սակայն փաստն այն է, որ նույնիսկ Արցախի հանձնումը Հայաստանին չի երաշխավորում տարածքային ամբողջականության և ինքնիշխանության պահպանումը, ինչի մասին Փաշինյանը բազմիցս խոսել է հենց այս տարի (2 ասուլիս, շփում Գերմանիայի հայ համայնքի հետ, հաշվետվություն ԱԺ-ին)...

Կրկին պետք է ասվի, որ քանի պաշտոնական Երևանը չի փոխել իր մոտեցումները Արցախի սուբյեկտայնության վերաբերյալ իրավիճակն այսպիսին է լինելու։ Իսկ քանի որ Փաշինյանը միանշանակ չի վերանայի իր մոտեցումները այս հարցում, ուստի պետք է վերանայվի իր պաշտոնավարման հնարավորությունը վարչապետի պաշտոնում։

Ես դեռ չեմ կարողանում ընտելանալ այն մտքին, որ Հայոց ցեղասպանությունից 108 տարի անց՝ Հայոց ցեղասպանության զոհերի հիշատակի օրը պետք է նման բաների մասին խոսեմ... Ցեղասպանությունը չի կարող լինել մեր ազգային ընտրությունը։

Բենիամին Մաթևոսյանի ֆեյսբուքյան էջից

● Այս խորագրի վերջին նյութերը

Ամեն մարդ պատասխան կտա իր արածի և հատկապես՝ իր չարածի համար․ Արշակ Խաչատրյան

08.05.2024 ● 20:29

Խորապես զգացված եմ զորակցության անկեղծ խոսքերի համար։

Ի՞նչը կարող է օգնել խուսափել պատերազմից (տեսանյութ)

08.05.2024 ● 15:32

Նիկոլ Փաշինյանը կրկին մանիպուլացնում ու ահաբեկում է։

Հեղափոխությունը/իշխանափոխությունը կախված է մեկ մարդուց, և այդ մեկ մարդը ․․․

08.05.2024 ● 13:31

Մայիսի 9–ը ցույց կտա, թե որ ուղղությամբ է զարգանալու համաժողովրդական շարժումը։

Փաշինյանն էլ, Ալիևն էլ, Հայաստանում կորցնելու են իշխանություն․ «Կարճ ասած» (տեսանյութ)

07.05.2024 ● 13:42

Ալիևը կարող է սահմանին սադրանքների էլ գնալ՝ հանուն Փաշինյանի իշխանության, բայց ժողովուրդն արդեն կուշտ է ձեզնից, փոփոխություն է ուզում։

Հայաստանում իշխանությունը պատկանում է ժողովրդին, այլ ոչ թե թշնամու շահերը սպասարկող, օտարամոլ, պիղծ և ավտորիտար ռեժիմի սպասարկու ՔՊ-ին

07.05.2024 ● 11:09

Յուրաքանչյուր քաղաքական ուժ իշխանության գալու օրվանից սկսում է գոյատևել ժողովրդի կողմից իրեն իսկ տրված վստահության քվեով:

Յուրաքանչյուր հայ մայիսի 9-ին պետք է իր ֆիզիկական ներկայությամբ աջակցի արդարության ու արժանապատվության համահայկական շարժմանը

06.05.2024 ● 11:47

Ես, որպես հայ, Մայիսի 9-ին կլինեմ Երևանում։

Բագրատ Սրբազանի երթն ու հանրահավաքը` թռչնի թռիչքի բարձրությունից (տեսանյութ)

Հայաստանի կյանքում թող սկսվի արժանապատվության և իրական խաղաղության շրջանը. Գուրգեն Մելիքյան (տեսանյութ)

Երևանի խնդրանքով՝ Թուրքիայի և Իրանի հետ սահմաններին ՌԴ սահմանապահները կմնան. Կրեմլ

● Կարծիք