Այսօր հրավիրված ասուլիսին գյուղատնտեսության փոխնախարար Ռոբերտ Մակարյանը խոսել է պտուղ-բանջարեղենի այս տարվա բերքատվության և չափաքանակի մասին։ Ըստ բանախոսի՝ ընթացիկ տարվա մթերումներին պատրասատվելու համար ստեղծվել է աշխատանքային խումբ, որը օպերատիվ տվյալներ է ներկայացրել, տրամադրել վերամշակողների պայմանագրի ձևեր, որտեղ ընդգրկված են և՛ գյուղացիներից  և՛ վերամշակողների իրավունքներն ու պարտականություններ:

«Մինչ այժմ վերամաշակողների ու արտադրողների միջև կնքվել է  8400 պայմանագիր խաղողի և պտուղ-բանջարեղենի մասով: Այդ գործընթացը շարունակվում է, քանի որ խաղողի ինտենսիվ մթերումները դեռևս չեն սկսվել»,-ասել է փոխնախարարը՝ հավելելով, որ  վերամշակողները պատրաստ են մթերելու հանրապետությունում արտադրված ամբողջ պտուղ-բանջարեղենը։