Ինչպես հայտնում է «Associated Press»–ը, «ISNA» իրանական գործակալության փոխանցմամբ՝ Իրանի ատոմային էներգիայի  կազմակերպության ղեկավար Ֆերեյդուն Աբբասին հայատարարել է, որ առաջիկա 5 տարվա ընթացքում Իրանը պատրաստ է Ատոմային էներգիայի միջազգային կազմակերպությանը (ՄԱԳԱՏԷ) իր մջուկային ծրագրին «լիարժեք հասանելիություն» ապահովել՝ միջազգյաին պատժամիջոցների  վերացման պայմանով։

Աբբասին չի պարզաբանել, թե ինչ նկատի ունի «լիարժեք հասանելիություն» ասելով և, թե «ՄԱԳԱՏԷ»–ի ո՞ր  քայլերն է Իրանը  համարում ընդունելի։

Միևնույն ժամանակ պաշտոնյան հայտարարել է, որ Իրանի միջուկային արդյունաբերությունը հաճախ արտերկյա դիվերսիաների է  ենթարկվում, օրինակ, կիբերհարձակում և անարդյունավետ սրաքավորումների մատակարարում։

Հիշեցնենք, որ մի շարք երկրների իշխանություններն ու միջազգային կազմակերպությունները  անհանգտացած են Իրանի միջուկային ծրագրով, քանի որ նրանք կասկածում են, թե Իրանը  միջուկային զենք է պատրաստում, սակայն պաշտոնական Թեհրանը  հայտարարում է, որ իր ծրագիրը բացառապես խաղաղ բնույթ ունի։