«Ժառանգություն» խմբակցության ղեկավար Ստեփան Սաֆարյանը «Հայելի» ակումբում որպես քաղաքագետ հայտարարել է, որ Հայ ազգային կոնգրեսի չափավոր ընդդիմադիր կեցվածքն այն ընտրազանգվածի դաշտում է, որ դաշտում եղել ու գործում է «Բարգավաճ Հայաստան» կուսակցությունը։

–Ես կարծում եմ, որ ՀԱԿ–ի թիվ մեկ մրցակիցը ԲՀԿ–ն է, ո՛չ ՀՀԿ–ն, ո՛չ «Ժառանգությունը», ո՛չ ՀՅԴ–ն։ Հետևաբար, ՀԱԿ–ը ոչ «Ժառանգություն»–ից կարող է ձայներ տանել, ոչ էլ տանելու է։ Թե ինչպե՞ս կավարտվի նույն ընտրազանգվածի համար ԲՀԿ–ի և ՀԱԿ–ի ընտրապայքարը որպես ո՛չ արմատական ընտրազանգվածի համար պայքարող ուժեր, կարծում եմ՝ ժամանակը ցույց կտա,–ասել է Ս. Սաֆարյանը։

7or.am