Ժողովրդական կուսակցության նախագահ Տիգրան Կարապետյանի համոզմամբ իշխանություն–ՀԱԿ երկխոսության գործընթացը «շատ գեղեցիկ սցենարով շոու է, քանի որ անհնարին է չհասկանալ ինչ է կատարվում Հայաստանում»։ «Չնայած երկխոսության երկու կողմերն էլ երկուստեք ասում են, որ պետականամետ են, բայց բիզնեսով են զբաղվում: Այսօր ամեն ինչ արվում է բիզնեսի համար։ Փող են սարքում տղաները: Եթե սա է իրավիճակը, ինչի՞ մասին կարող են բանակցել ՀԱԿ-ն ու իշխանությունը»,- լրագրողների հետ ասել է ԺԿ նախագահը։

Բանախոսը նշել է, որ երկխոսության գործընթացը կշարունակվի մինչև ընտրությունների սկիզբ, որից հետո ՀՀՇ-ն 10-12 հոգանոց ֆրակցիայով կհայտնվի Ազգային ժողովում: Ինչ վերաբերում է արտահերթ ընտրությունների հարցին, Տ. Կարապետյանն ասել է. «Եթե Ազարյանը տեղում է, ի՞նչը կարող է դրանից փոխվել»։