Վիգեն Խաչատրյանի երեկվա ելույթը ավելի առաջ գնաց, քան նախօրեին նրա կողմից հայտարարված այն «միտքը», թե «...սխալ էր համարել, որ Արցախը չէր կարող մնալ Ադրբեջանի կազմի մեջ...»:

Երեկ նա իր միտքը շարունակելով, հայտարարեց, որ «...ընդհանրապես ողջ 88 թվականի շարժման հետևանքով հայերը ստիպված հեռացան դաշտային Ղարաբաղից...»:

Այսպիսի տեսակետ չէր հնչել վերջին 30 տարվա ընթացքում, ոչ միայն երկրի պառլամենտում, այլև քաղաքական դաշտում առհասարակ:

Ասել, որ Վիգեն Խաչատրյանը հնչեցրեց միայն իր տեսակետը, միամտություն է: Նա, ըստ էության, փորձում է ասել այն, ինչ ներկա պահին չի ասում Փաշինյանը:

Վերջինս որոշել է արմատական ռեվիզիայի ենթարկել հայ ժողովուրդի պատմությունը, որպեսզի, ըստ նրա «...հնարավոր լինի խաղաղության դարաշրջան բացել Թուրքիայի և Ադրբեջանի հետ...»:

Հենց այդ գործընթացի նախապատրաստական փուլի համար է Վիգեն Խաչատրյանի շուրթերով հնչեցվում նման մտքերը:

Սա է իրականությունը:

Դավիթ Մկրտչյան

Աղբյուրը՝ zham.am