Անտարկտիկական Ուեդել ծովի հարավում գիտնականները սառցե ձկների բազմացման խոշոր գաղութ են հայտնաբերել: Հետազոտողները մոտ 60 միլիոն ակտիվ բներ են գտել:

«Մենք չորս ժամվա ընթացքում ձկան բույնը բնի հետևից էինք գտնում»,-ասում է Բրեմերհավենում (Գերմանիա) Ալֆրեդ Վեգեների ինստիտուտից խորը ջրերի էկոլոգ Օտուն Պերսերը: «Ոչինչ, բացի ձկան բներից»։

Գաղութը զբաղեցնում է մոտ 240 քառակուսի/կիլոմետր տարածք, հայտնել են հետազոտողները Current Biology ամսագրում: Բների մեծ մասում խավիարը մի արու էր պահպանում:

Հետազոտողները կարծում են, որ սառցե ձուկը (Neopagetopsis ionah) կարող է օգտագործել տարածքի տաք ջրերը՝ բազմացման գաղութ հասնելու համար:

Պերսերի խոսքով՝ սառցե ձկները, ամենայն հավանականությամբ, սննդի կարևոր աղբյուր են Ուեդելի փոկերի համար, որոնք, ինչպես հայտնի է, սուզվում են այդ տարածքում:

Գիտնականները տեսախցիկներ են թողել ջրի մեջ, որպեսզի հաջորդ երեք տարիների ընթացքում օրական չորս անգամ նկարեն բները:

Նրանք շահագրգռված են ավելին իմանալ բների մասին, այդ թվում՝ արդյոք ձվերը բացվում են միաժամանակ և արդյոք բույնի տեղը փոխվում է, որպեսզի հասկանան, թե ինչպես է զանգվածային գաղութը սննդանյութեր մատակարարում եզակի էկոհամակարգին:

«Խորը ջուրը և սառույցի տակը զուրկ չեն կյանքից»,-ասում է Պերսերը: Գաղութը իրենից ներկայացնում է «հսկայական թաքնված էկոհամակարգ, և այն պետք է աջակցի հարևան էկոհամակարգերին ու ազդի դրանց վրա»:

Աղբյուրը՝ news.am