«ՌԻԱ նովոստի»–ն գրում է, որ Ֆրանսիայի նախագահ Նիկոլյա Սարկոզին չի զղջում, որ ՄԱԿ Անվտանգության խորհուրդը որոշում չի ընդունել Սիրիայի հակամարտություն ներխուժելու համար, սակայն գտնում է, որ պետք է ուժեղացնել պատժամիջոցները տիրող վարչակարգի դեմ։

«Սիրիայում նախագահի վերաբերմունքը կատարալապես անթույլատրելի է։ Ինչքան ես գիտեմ, Սիրիա ներխուժելու մասին որոշում ՄԱԿ–ում չկա»,–ասել է Սարկոզին։ Հարցին, թե նա չի՞ զղջում դրա համար, նախագահը բացասական պատասխան է տվել։

Կարծում եմ՝ պետք է խստացնել պատժամիջոցները իր բնակչության հանդեպ ամենադաժան միջոցները կիրառող վարչակարգի նկատմամբ։ Տիրակալներից ո՛չ ոք, որտեղ էլ լինի, չի՛ կարող անպատիժ մնալ,–հայտարարել է Ֆրանսիայի նախագահը։

Ի նշան Սիրիայում շարունակվող բռնությունների ու ճնշումների դատապարտման՝ ԵՄ–ն այդ երկիր զենք և ոստիկանական տեխնիկա մատակարարելու արգելք է դրել, ինչպես նաև արգելել է սիրիական բարձրագույն ղեկավարության անդամներին՝ երկրի նախագահ Բաշար Ասադի գլխավորությամբ, մուտք գործել ԵՄ տարածք, ու սառեցրել է Եվրոպայի նրանց ֆինանսական ակտիվները։