Վաշինգտոնում Հայ դատի գրասենյակի խոսնակ Էլիզաբեթ Չուլջյանը ամերիկացի սենատորներին կոչ է արել հանգամանորեն քննարկել Հայաստանում ԱՄՆ դեսպանի պաշտոնին առաջադրված Ջոն Հեֆերնի թեկնածությունը։ Նա ընդգծել է, որ պետք է պարզել, թե Հեֆերն ի՞նչ դիրքորոշում ունի հայոց ցեղասպանության, ղարաբաղյան հակամարտության, հայ–ամերիկյան հարաբերությունների մասին։

«Այս հարցերին նրա պատասխանների հիման վրա ԱՄՆ–ում հայկական համայքնը պետք է իր կարծիքն արտահայտի՝ Հեֆերնը կարո՞ղ է ամերիկյան արժեքները ներկայացնել Հայաստանում»,–ասել է Չուլջյանը՝ ավելացնելով, որ մինչ այժմ Հեֆերն իր կարծիքը հրապարակայնորեն դեռ չի արտահայտել։

Հեֆերնի թեկնածության հարցը ԱՄՆ Սենատում պետք է քննարկվի հուլիսի 13–ին։ Նա փոխարինելու է գալիս ՀՀ–ում ԱՄՆ դեսպան Մարի Յովանովիչին։

7or.am