Իսրայելական ռազմական ինքնաթիռները կիրակի օրը լուսաբացին հարվածներ են հասցրել Գազայի արևելյան քաղաքներից մեկում գտնվող գործարանին, մեկ մարդ վիրավորվել է, վնասվել են մերձակայքում գտնվող բնակելի տներ։ Այս մասին հաղորդում է «ալ Կուդս» ռադիոկայանը։

Իսրայելի աղբյուրներն իրենց հերթին հաղորդել են, թե իրենց հարվածի թիրախը գրոհայինների կողմից օգագործվող թունելն է եղել, որն էլ գործողության հետևանքով ոչնչացվել է։

Իսրայելն իր հարվածները պատճառաբանում է այն հանգամանքով, որ մինչ այդ հակառակորդը  հրթիռային հարվածներ է հասցրել Իսրայելին, ուստի սա պատասխան է թշնամու ռազմական գործողություններին։

Անկլավում շուրջ երկու ամիս հարաբերական անդորր էր հաստատվել, սակայն այս գործողություններից հետո իրադրությունը նորից սրվում է։