Ինչպես արդեն տեղեկացրել էինք, Վրաստանից Հայաստան տեղափոխվող բենզինով լի վագոնները վրացական հատվածում երկու օր առաջ պայթյունի հետևանքով ամբողջությամբ այրվել են։

«7օր»–ը փորձել է «Հարավկովկասյան երկաթուղիներ» ընկերությունից տեղեկություններ ստանալ՝ ինչ հանգամանքներում է տեղի ունեցել արտակարգ պատահարը, և արդյոք գործ ունենք դիտավորությա՞ն, թե՞ տեխնածին երևույթի հետ, և արդյոք կարո՞ղ է խոսք լինել փոխհատուցման մասին։

Մեզ հետ զրույցում «Հարավկովկասյան երկաթուղիներ» ընկերության մամլո խոսնակ Վահե Դավթյանն ասել է՝ քանի որ վթարը եղել  է վրացական կողմում, տեղեկատվությունը վրացական կողմից պետք է ճշտել։ Ըստ նրա՝ իրենց ընկերությանը դեռևս վրացական կողմից պաշտոնական ոչ մի տեղեկատվություն չի հաղորդվել միջադեպի մասին։

7or.am