«Վերջին օրերի ընթացքում ես կապվել եմ Միացյալ Նահանգների պետքարտուղար Հիլարի Քլինթոնի, ինչպես նաև Ադրբեջանի մի շարք պաշտոնյաների հետ՝ քննարկելով, թե ինչ է հաջորդելու կազանյան հանդիպմանը: Լեռնային Ղարաբաղի հակամարտության կարգավորման գործընթացը շարունակվում է»,- Միացյալ Նահանգների անկախությանը նվիրված հանդիսության ժամանակ հայտարարել է Ադրբեջանում ԱՄՆ դեսպան Մեթյու Բրայզան: Նա նշել է, որ չէր ասի, թե կազանյան հանդիպումը ոչ անարդյունավետ է եղել, քանի որ դրա ընթացքում արձանագրվել է մի քանի քայլ առաջ, ինչը նկատել են նաև հակամարտության կողմերն ու ԵԱՀԿ Մինսկի խմբի համանախագահները: