Աշխարհ

17.09.2021 19:49


ԱՄՆ-ը պատժամիջոցներ է սահմանել ահաբեկչությանն աջակցող 3 Թուրքիայի քաղաքացիների նկատմամբ

ԱՄՆ-ը պատժամիջոցներ է սահմանել ահաբեկչությանն աջակցող 3 Թուրքիայի քաղաքացիների նկատմամբ

ԱՄՆ-ում «Ալ Քաիդա» ահաբեկչական խմբավորմանն աջակցելու մեղադրանքով պատժամիջոցներ են սահմանվել 5 օտարերկրացիների նկատմամբ, որոնցից 3-ը Թուրքիայի քաղաքացիներ են, երկուսը՝ Եգիպտոսի։ Նրանք մեղադրվում են խմբավորմանը ֆինանսական և լոգիստիկ աջակցություն ցուցաբերելու մեջ։

ԱՄՆ ֆինանսների նախարարությունը հայտարար է, որ այդ որոշումը կայացվել է ԱՄՆ-ի՝ «Ալ Քաիդայի» ֆինանսավորման աղբյուրները վերացնելու մտադրությամբ։ Հրապարակված գրավոր հայտարարության մեջ նշվել է, որ ԱՄՆ–ն իր գործընկեր երկրների, այդ թվում՝ Թուրքիայի հետ շարունակելու է պայքարել «Ալ Քաիդայի» ֆինանսավորման դադարեցման ուղղությամբ։

Մեղադրվող հնգյակի պարագլուխը եգիպտացի Մաջդի Սալիմն է։ Հայտնի է, որ վերջինս նաև Թուրքիայում «Ալ Քաիդայի» գործունեության գլխավոր ղեկավարներից մեկն է։ Թուրքիայի քաղաքացիներն են 47–ամյա Նուրեթթին Մյուսլիհանը, 28-ամյա Նուրեթթին Մյուսլիհանը, 33-ամյա Սոներ Գյուրլեյենը։

Աղբյուրը՝ ermenihaber.am

Այս խորագրի վերջին նյութերը