«Բերել եք մի մոդել, որտեղ քաղաքական ընդդիմության դերակատարությունն ուղղակի զրոյացված է»,-այս մասին ԱԺ նիստին նշեց «Հայաստան» խմբակցության քարտուղար Արծվիկ Մինասյանը:

«Որդեգրվել է մի մոդել, որտեղ չի կարող հակակոռուպցիոն քաղաքականությունն ունենալ դրական արդյունք, այն պատճառով, որ կոռուպցիան ծնող հիմնական շարժառիթը և պատճառը իշխանական ազդեցության լծակն է թե՛ հանրային ֆինանսների հասանելիության, թե՛ այդ ռեսուրսների բաշխման և հանրային իրավունքների տրամադրաման մակարդակում»,-ասաց Արծվիկ Մինասյանը:

Ըստ պատգամավորի, կոռոպցիայի դեմ պայքարի կենտրոնական տեղում պետք է լինի ընդդիմությունը.

«Ընդդիմությունն էստեղ ու՞ր է ,որտե՞ղ է , ինչպե՞ս պետք է կարողանա օբյեկտիվ տեղեկատվություն ստանա խորհրդարանը, երբ չկա ընդդիմության խոսքը: Այս համակարգի չի կարող իրականացնել կոռուպցիայի դեմ պայաքարը»,-նշեց Արծվիկ Մինասյանը:

Ըստ Արծվիկ Մինասյանի «Հայաստան» խմբակցությունը չի մասնակցելու ներկայացված հարցի քվերակությանը:

Մանրամասները՝ yerevan.today-ի տեսանյութում: