Մուամար Քադաֆին Լիբիայից կհեռանա ամենաշատը երկու–երեք շաբաթից։ Այս մասին միլանյան շաբաթաթերթին տված հարցազրույցի ժամանակ հայտարարել է Լիբիայի նախկին արտգործնախարար, ՄԱԿ–ում Տրիպոլիի մշտական ներկայացուցիչ Աբդուրահման Մոհամեդ Շալգամը, ով անցել է ընդդիմության կողմը։

«ՌԻԱ նովոստի»–ն հայտնում է, որ Շալգամի խոսքերով՝ ներկայումս Քադաֆին բանակցություններ է վարում մի շարք բարեկամական երկրների հետ, որպեսզի կարողանա խույս տալ Միջազգային դատարանի գործընթացներից՝ պահպանելով իր գումարերը։ Դիվանագետը չի բացառել, որ նման բանակցություն կարող է վարվել Բելառուսի հետ։

Քադաֆին վտանգավոր մարդ է։ Չգիտեմ՝ նա ինչ կանի մինչև Տրիպոլիից հեռանալը։ Ես հավատում է Տրիպոլիի բնակիչներին և վստահ եմ, որ նրանք իրենց քաղաքն ավերածություններից կփրկեն։ Հուսով եմ, որ նրանք ավելի ուժեղ կգտնվեն Քադաֆիի չար մտադրություններից,–ասել է Շալգամը։

Նա նաև հույս է հայտնել, թե Քադաֆիին հավատարիմ կողմնակիցները, հասկանալով, որ նա երկիրից հեռանալու է, մինչև վերջ չեն գնա։