Ըստ տարածված լուրերի՝ ՀՀՇ վարչության անդամներ Արարատ Զուրաբյանը և Հրաչյա Հակոբյանը Հայոց համազգային շարժում կուսակցությունից դուրս գալու դիմում են ներկայացրել։

Արարատ Զուրաբյանը ՀՀՇ վարչության նախագահի պաշտոնից հրաժարականի դիմում էր ներկայացրել 2010թ. հունիսի 17-ին, սակայն շարունակում էր մնալ ՀՀՇ անդամ։

Տեղեկություններ կան նաև, թե Արարատ Զուրաբյանը պատրաստվում է միանալ ՀՀՇ նախկին փոխնախագահ Խաչատուր Քոքոբելյանի հիմնադրած «Ազատ դեմոկրատներ» կուսակցությանը։

Այս լուրերը ճշտելու համար Արարատ Զուրաբյանի հետ կապ հաստատել չի հաջողվում. նրա բջջային հեռախոսն անջատված է կամ էլ նա չի պատասխանում հեռախոսազանգերին։

7or.am