Այսօր՝ երեկոյան ութին, Հանրապետության հրապարակում իշխող Քաղպայմանագիրը հանրահավաք է նշանակել։ Մենք ահազանգեր ենք ստանում տարբեր մարզպետարանների աշխատակիցներից, որ իրենց հրահանգված է պարտադիր ներկա գտնվել Նիկոլ Փաշինյանի կազմակերպած հանրահավաքին։

Մեզ ասացին, որ անգամ դպրոցների տնօրեններին, ուսուցչական կոլետիվներին ասել են աշակերտական խմբերով ներկայանալ և երեխաներին էքսկուրսիայի անվան տակ բերել Հանրապետության հրապարակ։ Մեզ ահազանգել են նաև պաշտպանական գերատեսչությունից, ՊՆ և ՌՈ ծառայողներին և աշխատակիցներին ևս ստիպում են պարտադիր ներկա լինել հավաքին, այլապես սպառնում են աշխատանքից ազատել։

Աղբյուրը՝ hraparak.am