Քաղաքական

17.05.2021 15:05


Նիկոլն ադրբեջանցիներին խոստացել է 8 գյուղ Տավուշից, ևս 1-ը՝ Արարատից. Հրանտ Բագրատյան (տեսանյութ)

Նիկոլն ադրբեջանցիներին խոստացել է 8 գյուղ Տավուշից, ևս 1-ը՝ Արարատից. Հրանտ Բագրատյան (տեսանյութ)

Փաշինյանի հետ բանակցություններից հետո ադրբեջանական կողմը հայտարարեց՝ Փաշինյանը խոստացել է, որ 8 գյուղ Տավուշից պիտի տա, և մեկ գյուղ էլ՝ Արարատի մարզից, որը տալուց հետո մենք ճանապարհ չենք ունենա դեպի Սյունիք: Այս մասին այսօր հրավիրված ասուլիսի ժամանակ ասաց տնտեսագետ Հրանտ Բագրատյանը՝ խոսելով Սյունիքում տիրող իրավիճակի, հակառակորդի՝ Սև լճին մոտենալու մասին:

«Փաշինյանը խոստացել է և մեկ է՝ տալու է, ժողովուրդ, վստահ եմ: Հիմա, ինչ է անում այդ մարդը. մեզ պետք է խելոք լինել, անել այնպես, որ ունեցած առիթն օգտագործենք, եկել են Սյունիք, էլ ի՞նչ անենք, բոլոր բարձրունքներում հայ զինվորները նստած են, շրջափակիր, վերցրու, արդեն գերիների հարցը կլուծես, ամբողջ աշխարհը քո կողմն է, բայց որևէ հրաման չի տրվում, բանակը գտնվում է վախկոտ Վաղարշակ Հարությունյանի, Արտակ Դավթյանի ազդեցության տակ»,-ասաց նա:

Հրանտ Բագրատյանն անտրամաբանական համարեց Փաշինյանի քայլերը, ՀԱՊԿ դիմելը և դրանից հետո բանակցությունների գնալը: «Բանակցում ես ոչ դու, այլ գալիս է գեներալ Մուրադովը, և ադրբեջանցիները մի կերպ զիջումներ են անում, ասում են՝ էս մի քանի տեղից հետ քաշվեք, բայց մի չորս պոստ մնում է, ամենաբարձր դիրքում մենք համատեղ պոստ ունենք»,-ասաց նա և հավելեց, որ նախագահը ևս պատասխանատու է այս գործում, բայց որևէ արձագանք չկա նրա կողմից:

Մանրամասները՝ տեսանյութում։

Աղբյուրը՝ tert.am

Այս խորագրի վերջին նյութերը