Տնտեսական

07.05.2021 12:34


Որքան է թանկացել կյանքը Հայաստանում վերջին 1 տարում

Որքան է թանկացել կյանքը Հայաստանում վերջին 1 տարում

Պաշտոնական վիճակագրության համաձայն` Հայաստանում ապրելը 2020թ-ի ապրիլից հետո թանկացել է 6.2 տոկոսով, իսկ 2021-ի մարտից հետո` 1.3 տոկոսով։

Ընդ որում, անցյալ տարվա համեմատ հատկապես սնունդը թանկացել է 8.3 տոկոսով, մնացած ապրանքները` 8.5։

Ռեկորդային թանկացում են գրանցել հատկապես ձեթն (73.5%) ու շաքարավազը (41%): Ձուն ապրիլի դրությամբ թանկացել է 55.7%-ով, միրգը` 10.4։

Ոչ պարենային ապրանքներից անցյալ տարվա ապրիլի համեմատ հատկապես թանկացել է վառելիքը. բենզինը` 31.1%, դիզվառելիքը` 11.1%։

Մարտի համեմատ ապրիլին միակ էժանացած ապրանքախումբն ալյուրն ու հացն է` - 0.2% -ով։ Գրեթե անփոփոխ են մնացել նաև կապի, կրթության ծառայությունների, գազի, ջրի ու էլեկտրաէներգիայի գները։

Աղբյուրը` armeniasputnik.am

Այս խորագրի վերջին նյութերը