Հարցազրույց

13.01.2021 10:22


Հիմնավոր կասկածներ կան, որ Նիկոլ Փաշինյանը պետության հանդեպ դավադրություն է իրականացրել՝ պատերազմը գիտակցաբար չկանգնեցնելով. Ստեփան Դանիելյան (տեսանյութ)

Հիմնավոր կասկածներ կան, որ Նիկոլ Փաշինյանը պետության հանդեպ դավադրություն է իրականացրել՝ պատերազմը գիտակցաբար չկանգնեցնելով. Ստեփան Դանիելյան (տեսանյութ)

Մոսկովյան հանդիպումը վերջին չորս ամսում առաջին օրն էր, երբ թշնամուն որևէ տարածք չհանձնվեց, իսկ մեր գերիներին կարելի էր վերադարձնել, եթե նոյեմբերի 9-ին Նիկոլ Փաշինյանը սթափ լիներ, չմոռանար ժամկետի պահանջ դնել, և այդ դեպքում Ադրբեջանը դեմ լինելու որևէ պատճառ չէր ունենա, ուղղակի գերիների վերադարձի հարցը Փաշինյանին չի հետաքրքրում: «Արմնյուզ» ՀԸ «#ՕրաԽնդիր» հաղորդման ժամանակ նման կարծիք է հայտնել քաղաքագետ Ստեփան Դանիելյանը:

«Գերիների հարցը հիմա Ադրբեջանի ձեռքին խաղաքարտ է, որով ճնշում է Հայաստանին։ Գերիներին պահում են որևէ զիջման համար, հնարավոր է՝ տարածքային կամ այլ բնույթի։ Մեղավորը Փաշինյանն է, ոչ պակաս մեղավոր են նաև իմքայլական պատգամավորները, որոնք մինչև այս պահը նրա հեռացման հարցը չեն դրել։ Ընդդիմադիր պատգամավորները ևս կրավորական ու պասիվ կեցվածք են դրսևորում, երևի երկակի խաղ են խաղում իշխանության հետ»,-ասել է քաղաքագետը:

Ըստ Դանիելյանի՝ իմքայլական պատգամավորները պետք է հասկանան, որ Փաշինյան հետ նույնքան անհատական պատասխանատվություն են կրում. «Ամեն օր պետք է նշել այդ պատգամավորների անունները, նրանք պետք է հասկանան, որ ոչ միայն հանրային պարսավանքի են ենթարկվելու, այլ ավելի լուրջ պատասխանատվության։ Ժամանակն է, որ ունենանք նոր վարչապետ, նոր կառավարություն, որն օժտված կլինի հանրային վստահությամբ և՛ ներսում, և՛ ՌԴ-ի ու մյուս կարևոր աշխարհաքաղաքական խաղացողների մոտ։ Ռուսական և արևմտյան մամուլում Փաշինյանին ծաղրում և արհամարհում են, նույնը՝ Ադրբեջանում և Թուրքիայում»:

Այս խորագրի վերջին նյութերը