Քաղաքական

25.11.2020 15:01


Պեսկովը կոչ է արել Ղարաբաղում խաղաղապահների առաքելությունը չշփոթել հումանիտար կենտրոնի աշխատանքի հետ

Պեսկովը կոչ է արել Ղարաբաղում խաղաղապահների առաքելությունը չշփոթել հումանիտար կենտրոնի աշխատանքի հետ

ՌԴ նախագահի մամուլի քարտուղար Դմիտրի Պեսկովը կոչ է արել Ռուսաստանի խաղաղապահ առաքելությունը Լեռնային Ղարաբաղում չշփոթել հումանիտար կենտրոնի աշխատանքի հետ այդ տարածաշրջանում: Պատասխանելով լրագրողներից մեկի հարցին` նա հիշեցրել է, որ տարածաշրջանում ռազմական խաղաղապահ զորախումբ է տեղակայված, ինչպես նաև հումանիտար արձագանքման կենտրոն է գործում, փոխանցում է ՏԱՍՍ-ը:

«Պետք չէ դրանք ամբողջությամբ տարանջատել, սակայն պետք չէ նաև շփոթել ռազմական խաղաղապահների առաքելությունը, որոնք կանգնած են հակամարտող կողմերի շփման գծում, հումանիտար կենտրոնի հետ: (Լեռնային Ղարաբաղում) այնքան շատ խնդիրներ կան, որոնք սրվել են պատերազմի հետ կապված, և հումանիտար կենտրոնը հենց դրանով էլ զբաղվում է»,-պարզաբանել է Պեսկովը:

Աղբյուրը՝ news.am

Այս խորագրի վերջին նյութերը