ՀՀ ՊՆ ներկայացուցիչ Արծրուն Հովհաննիսյանը ներկայացրել է իրավիճակը ռազմաճակատում և այն արտացոլող քարտեզը։

Նա նշել է, որ այսօր առավոտյան ադրբեջանական զինված ուժերը նորից շարունակել են հարձակողական գործողություններ իրականացնել տարբեր ուղղություններով, հակառակորդը Բերձորի ուղղությամբ հարձակում է իրականացրել՝ փորձելով մոտենալ ՀՀ սահմանին, սակայն հաջողության չի հասել։

«Միաժամանակ, մի քանի բնակավայրերի նկատմամբ իրականացվել է հրետակոծություն»,-ասել է նա՝ հավելելով, որ մի քանի գյուղերի ուղղությամբ դիվերսիոն խմբերի դեմ պայքարը շարաունակվում է։

Հովհաննիսյանն ասել է, որ Որոտան գետի երկայնքով ձևավորված ռազմաճակատ կա։