Աշխարհ

17.09.2020 21:50


Քանյե Ուեսթն ի նշան բողոքի միզել է ստացած «Գրեմմի» մրցանակի վրա (լուսանկար, տեսանյութ)

Քանյե Ուեսթն ի նշան բողոքի միզել է ստացած «Գրեմմի» մրցանակի վրա (լուսանկար, տեսանյութ)

Ամերիկացի ռեփեր, դիզայներ, ԱՄՆ նախագահական ընտրություններին որպես անկախ թեկնածու առաջադրված Քանյե Ուեսթը Twitter-ում տեսանյութ է հրապարակել՝ ցուցադրելով, թե ինչպես է միզում իր ստացած 21 «Գրեմմի» մրցանակներից մեկի վրա, գրում է Daily Mail-ը։

«Հավատացեք ինձ: Ես կանգ չեմ առնի»,-տեսանյութին կից գրել է 43-ամյա Ուեսթը:

Ուեսթը, որն ավելի վաղ հայտարարել էր, որ նոր երաժշտական ստեղծագործություններ չի թողարկի այնքան ժամանակ, մինչև չավարտվեն Sony-ի և Universal-ի հետ կնքած իր պայմանագրերը, այդպիսով իր բողոքն է արտահայտում ընկերությունների դեմ՝ փորձելով ստանալ իր երգերի հեղինակային իրավունքները։

Ուեսթը նաև հրապարակել է Universal-ի հետ դեռևս 2011-ին կնքած մասնավոր պայմանագրի հատվածները և գրել․ «Այնքան երախտապարտ եմ, որ Աստված ինձ ուժ է տվել իմ դիրքորոշումն արտահայտելու համար։ Բոլորդ շարունակեք աղոթել, օգնում է, այս առավոտ ես ծնկաչոք աղոթում էի»։

Այնուհետև նա դիմել է սևամորթ արվեստագետներին՝ երաժշտական արդյունաբերությունում փոփոխություններ իրականացնելու կոչով։

Ավելի վաղ ամերիկացի ռեփերն իրեն համեմատել էր Մովսես մարգարեի հետ՝ երաժշտական արդյունաբերությունն ու Բասկետբոլի ազգային ասոցիացիան անվանելով «ժամանակակից ստրկատիրական նավեր»՝ հայտարարելով, որ «չի պատրաստվում լուռ ականատես լինել, թե ինչպես է իր ժողովուրդը ստրկացվում»։

Տեսանյութը կարող եք դիտել այստեղ։

Աղբյուրը՝ tert.am

Kanye West has shared shocking footage of himself urinating on a Grammy Award as he 'goes into battle' against labels Universal and Sony to retrieve the rights to his own musicWest has won a whopping 21 Grammy Awards across the past two decades. He is pictured with three of the accolades back in 2005West is seen after scooping three gongs at the 2006 Grammy Awards. He now says the accolades mean nothing if he does not have ownership of his own work

Այս խորագրի վերջին նյութերը