Լրագրողների հետ  հանդիպման ժամանակ «Ժառանգություն» կուսակցության հիմնադիր նախագահ Րաֆֆի Հովհաննիսյանի հացադուլը ՀՀԿ խմբակցության անդամ Լեռնիկ Ալեքսանյանն անվանել է «ակցիա» ուշադրություն հրավիրելու համար։

–Անկախ՝ ով ոնց է դիտում՝ սա հասարակության ուշադրությունը հրավիրելու,  խնդիրները ևս մեկ անգամ հնչեցնելու ակցիա էր, որը կատարվեց։ Կարծում եմ՝ ինչ–որ  Րաֆֆի Հովհաննիսյանը նպատակ էր դրել, որոշակիորեն այդ նպատակը լուծվեց՝ հասարակության ուշադրությունը ևս մեկ  անգամ հարավիրվեց,–ասել է նա։

Հարցին, թե ո՞ւմ վրա հրավիրեց ուշադրությունը՝ ի՞ր, թե՞ խնդիրների, Լեռնիկ Ալեքսանյանը պատասխանել է, թե բնականաբար՝ իր և իր «պրոբլեմների» վրա։

–Իր և ո՞չ  երկրի խնդիրների,–հետաքրքրվել են լրագրողները։

–Դրանք սովորաբար միասնական են հանդես գալիս,–պատասխանել է Լեռնիկ Ալեքսանյանը։

Հարցին, թե ի՞նչ հետևություն  արեց ՀՀԿ–ն այս ամենից, Լեռնիկ Ալեքսանյանը  պատասխանել է, թե ՀՀԿ–ի համար  Րաֆֆի  Հովհաննիսյանի հնչեցրած  խնդիրները նորություն չէին, և ինչպես միշտ՝ դրանք ՀՀԿ–ում քննարկվում են։

7or.am