Թուրք ճարտարագետների և ճարտարապետների պալատների միության (TMMOB) մեքենաշինական պալատի ղեկավար Յունուս Յեներն ուշադրություն է հրավիրել այն փաստի վրա, որ Թուրքիայում 2012թ․ աշխատանքի անվտանգության և մասնագիտական առողջության մասին օրենքի ընդունումից հետո շարունակաբար աճել է աշխատավորների մահացության դեպքերի և դժբախտ պատահարների թիվը։

Թուրքիայում մայիսի 4-10-ը հայտարարված «Աշխատանքի առողջության և անվտանգության շաբաթի» կապակցությամբ Յեները հաղորդագրություն է տարածել։

Նա նշել է, որ չնայած 2012թ․ ընդունված օրենքով գրեթե փոփոխվել են բոլոր խնդրահարույց կանոնակարգերը, այնուամենայնիվ, աշխատավայրերում պատահարները և մահացության դեպքերը շարունակ աճել են։

«2018թ․ 2012-ի համեմատ տեղի ունեցած դեպքերը 475 տոկոսով աճել են»,- գրել է Յեները։

Նրա խոսքով՝ եթե 2010թ․ Թուրքիայի նահանգներից միայն 14-ում էր, որ աշխատավորների մահացության դեպքերի թիվն ավելի քան 1000 էր, ապա 2018թ․ այդ նահանգների թիվը հասել է 50-ի։ Իսկ 2013 թվականից ի վեր Թուրքիայում չկա որևէ նահանգ, որտեղ պատահարներ չեն արձանագրվել։

Նա շեշտել է, որ պետք է արգելվի այն աշխատողների գործունեությունը, որոնք չունեն ապահովագրություն և կցված չեն որևէ արհմիության։

Աղբյուրը՝ ermenihaber.am