Հայաստանում կորոնավիրուսով վարակված անձանցից 230-ի մոտ առկա է թոքաբորբ, 10-ի վիճակը ծայրահեղ ծանր է

● Լրահոս

23.04.2020 ● 12:27

Հայաստանում կորոնավիրուսով վարակված անձանցից 230-ի մոտ առկա է թոքաբորբ, 10-ի վիճակը ծայրահեղ ծանր է

Հայաստանում կորոնավիրուսով վարակված անձանցից 230-ի մոտ առկա է թոքաբորբ, որոնցից 10-ի վիճակը ծայրահեղ ծանր է: Այս մասին ապրիլի 23-ին կառավարության նիստում հայտարարեց առողջապահության նախարար Արսեն Թորոսյանը:

«Թոքաբորբ ունի մոտավորապես 230 հոգի, արհեստական օդափոխության սարքով՝ 5 հոգի: Նրանցից մեկն է միայն, որ բավական երիտասարդ է՝ 27 տարեկան, բայց ունի խրոնիկ բնածին ծանր հիվանդություն: Բժիշկներն ամեն ինչ անում են, որ վիճակը կայունացնեն, կարծես հույսեր կան, որ կկարողանան կյանքը փրկել:

Կարող եմ ասել, որ աճի տեմպը մոտավորապես նույնն է, երբ նոր դեպքերի թիվը բաժանում ենք ընդհանուր դեպքերի թվի վրա: Մահճակալային ֆոնդի առումով ծանրաբեռնվածությունն այնպիսին չէ, որ խոսենք այլ տարբերակի անցնելու մասին: Դեռ ժամանակ ունենք բոլորին հոսպիտալացնելու, իսկ շատ թեթև ձևերը հյուրանոցային պայմաններում պահելու համար»,- ասաց Թորոսյանը:

Նախարարի խոսքով՝ հաշվի առնելով տնտեսական գործունեության նոր թույլտվությունը, պետք է նորից զգոնությունը չկորցնել: «Զգոնությունը թուլացնելու առիթներ չունենք»,-ասաց Թորոսյանը:

Հայաստանում ապրիլի 23-ի՝ ժամը 11:00-ի դրությամբ կորոնավիրուսի հաստատված դեպքերի ընդհանուր թիվը 1523 է, արձանագրվել է մահվան 24 դեպք: Ընդհանուր առմամբ կատարվել է 15 հազար 960 թեստ։

Ապաքինված պացիենտների թիվն ավելացել է 26-ով և գումարային բուժվածների թիվը դարձել է 659։ Այս պահին փաստացի բուժում է ստանում 840 պացիենտ:

Հայաստանի կառավարությունն ապրիլի 14-ին կայացած արտահերթ նիստում ընդունեց hանրապետությունում 2020 թվականի մարտի 16-ին հայտարարված արտակարգ դրության ժամկետը 2020 թվականի ապրիլի 14-ից ժամը 17:00-ից` 30 օրով՝ մինչև 2020 թվականի մայիսի 14-ը ժամը 17:00-ն երկարաձգելու որոշում։ Երկրում գործում է խիստ սահմանափակումների ռեժիմ:

● Այս խորագրի վերջին նյութերը

Փաշինյանը պատերազմ է հայտարարել հայ ժողովրդին․ «Կարճ ասած» (տեսանյութ)

02.05.2024 ● 23:25

Սա ոչ այլ ինչ է, քան հանցագործության կամ լեգիտիմության բացակայության խոստովանություն։

300 հազար ադրբեջանցի Հայաստան բերելու ծրագրին Փաշինյանը համաձայնություն տվել է. Ձյունիկ Աղաջանյան (տեսանյութ)

02.05.2024 ● 23:13

Այս իշխանությունների մնալու դեպքում մենք կանգնելու ենք պետականության կորստի առաջ:

ԱՄՆ-ն փորձում է Հայաստանը վերածել «հակառուսական պլացդարմի». Զատուլին

02.05.2024 ● 22:46

Ադրբեջանի գլխավոր դաշնակիցը ոչ թե Ռուսաստանն է, այլ Թուրքիան:

Մաշտոցի պողոտայում բախվել են համար 18 և 1 երթուղիների ավտոբուսները

02.05.2024 ● 22:40

1 հոգի տեղափոխվել է հիվանդանոց:

«Հայաստան» և «Պատիվ ունեմ» խմբակցությունների նամակը՝ դեսպանատներին

02.05.2024 ● 22:03

Խնդրում են հանդիպում՝ հնարավորինս սեղմ ժամկետներում՝ աշխատանքային ձևաչափով քննարկելու հայաստանյան տագնապալի զարգացումները։

Արծիվի թևեր կոչվող հատվածում արագաչափ է տեղադրվել

02.05.2024 ● 21:24

Լուսանկարահանող տեխնիկական միջոցները գործարկվելու են մայիսի 6-ից:

Փաշինյանը պատերազմ է հայտարարել հայ ժողովրդին․ «Կարճ ասած» (տեսանյութ)

ԱՄՆ-ն փորձում է Հայաստանը վերածել «հակառուսական պլացդարմի». Զատուլին

Գյումրեցին պետք է սատարի տավուշցուն․ Սոնա Աղեկյան (տեսանյութ)

● Լրահոս