Աշխարհ

14.02.2020 20:55


Միայնակ տղամարդը 25 հազար դոլար կվճարի իր երազանքների կնոջ հետ հանդիպելու համար

Միայնակ տղամարդը 25 հազար դոլար կվճարի իր երազանքների կնոջ հետ հանդիպելու համար

Միացյալ Նահանգների Ջոնսոն օկրուգի (Կանզասի նահանգ) միայնակ բնակիչը խոստացել Է 25 հազար դոլար վճարել ցանկացած մեկին, որը հանդիպում կկազմակերպի իր երազանքներիի կնոջ հետ: Այդ մասին, ինչպես տեղեկացնում Է «Արմենպրես»-ը, հաղորդվում Է KCTV հեռուստակայանի կայքում:

Այս կերպ 47-ամյա Ջեֆ Գեբհարթը որոշել Է ոչ միայն կարգավորել իր անձնական կյանքը, այլեւ օգնել տեղի անօթեւան կենդանիների ապաստանին: Նա բոլոր ցանկացողներին առաջարկում Է փորձել իր համար գտնել այն կնոջը, որն իդեալական կերպով կհամապատասխաներ իրեն: Փոխարենը նա խոստանում Է այդ մարդուն 25 հազար դոլար վճարել, ինչպես նաեւ նույնքան գումար Էլ փոխանցել ապաստանի հաշվին:
Իր այդ մտահղացման շուրջ նա խորհրդածել Է վերջին վեց ամիսներին: Գեբհարթը խոստովանել Է, որ հոգնել Է ժամադրություններից ու առցանց-ծանոթություններից: Նախքան այսչափ արտասովոր հայտարարություն անելը, նա խորհրդակցել Է իր ընկերների հետ, որոնցից շատերն աշխատում են որպես հոգեբաններ: Նրանք միասին ստեղծել են ոչ մեծ հարցարան, որպեսզի շրջապատի մարդկանց համար ավելի հեշտ լինի Գեբհարթի համար համապատասխան զույգ գտնելը:
Ի թիվս այլ բաների, նա պոտենցիալ զուգընկերուհուն հարցնում Է, թե նա սիրում Է արդյոք շներին: Ամերիկացին չի թաքցնում, որ անձամբ ինքը Գուննար անունով շուն ունի:

Այս խորագրի վերջին նյութերը