Թուրքիայի արևելյան շրջաններում օդի ջերմաստիճանը կտրուկ նվազել է: Մասնավորապես Կարսում փետրվարի 11-ին օդի ջերմաստիճանը հասել է մինուս 29-ի:

Կարսի բենզալցակայաններից մեկի աշխատակից Ահմեթ Քայան վաղ առավոտյան ոտքով գործի գնալիս 7կմ քայլելուց հետո իր իսկ բնորոշմամբ վերածվել է «ձնեմարդի»: Սառցակալել են նրա հոնքերը, թարթիչներն ու բեղերը:

«Ձնեմարդ եմ դարձել, այսպիսի պայմաններում եմ փող աշխատում: Դե արի ու դիմացիր այս աղետին»,-ասել է Ահմեթ Քայան լրագրողի հետ զրույցում:

«Սառցակալած» քաղաքացու լուսանկարը հայտնվել է Թուրքիայի պետական «Anadolu» լրատվական գործակալության կայքում և ակտիվորեն քննարկվում է լրատվական տիրույթում:

Աղբյուրը՝ ermenihaber.am