Կարծիք

14.11.2019 21:01


Լափամանից սնված, լափ կերած ու հիմա էլ պետական ռեսուրսներ լափողը հենց ինքը՝ Փաշինյանն է

Լափամանից սնված, լափ կերած ու հիմա էլ պետական ռեսուրսներ լափողը հենց ինքը՝ Փաշինյանն է

Սեռափոխված կնոջն իր պաշտպանության տակ առնելու մասին Նիկոլ Փաշինյանի ելույթն իրավիճակ է փոխում։ Դրա հետ կապված կարևոր բան ունեմ ասելու, բայց մինչ այդ մի քանի դիտարկում ու հարցադրում ունեմ, որոնք ուզում են անպայման հնչեցնել։

Նախ, այդ ո՞ւմ է կաշառակեր ու լափամանից զրկված կոչում ՀՀ վարչապետը։ ԿԳՄՍ նախարար Արայիկ Հարությունյանի հրաժարականը պահանջող ուսանողների՞ն։ Ուրեմն ասեմ, թող բոլորն ականջին օղ անեն։ Լափամանից սնված, լափ կերած ու հիմա էլ պետական ռեսուրսներ լափողը հենց ինքը՝ Փաշինյանն է։ Էն էլ ոնց է լափում։ Մարդիկ ամեն օր ուղիղ եթերներով տեսնում, աչքներին չեն հավատում… Ու թող ոչ ոք չփորձվի մյուս անգամ այդ տոնով խոսել մեր ուսանողների հետ։ Նենց շան լափ թափենք գլխներիդ, զարմանաք։

Երկրորդ, հենց Նիկոլ Փաշինյանի թիմակիցներն են ու հիմա էլ անձամբ ինքն է, որ սեռափոխված Մելինե Դալուզյանին դարձրել են հասարակական քննարկման թեմա։ Իրենք ու իրենց նմաններն են հերոսացրել Մելինեին, ի դեպ՝ ոչ իբրև չեմպիոնի, այլ հենց սեռափոխված մեկի։ Ու հիմա էլ իրենք են շարունակում նրան որպես զոհ մատուցել՝ տասնյակ միլիոններ տրամադրելով այդ գործին մեր բյուջեից։ Այդ ու՞մ էր հետաքրքիր սեռափոխված ծանրամարտիկի՝ մեզ ներկայացվող իբրև թե ողբերգությունը, եթե հենց ինքը՝ Մելինեն, չցանկանար դա հանրային քննարկման թեմա դարձնել՝ անգամ համաձայնվելով իր մասին ֆիլմ պատրաստելուն։ Եվ ուրեմն թող Փաշինյանը կամ Ատելության կուսակցության որևէ այլ ներկայացուցիչ չփորձվի բարոյականության դասեր տալ այդ գովազդին դեմ դուրս եկող մարդկանց։ Դուք չունեք այդ իրավունքը, որովհետև ստում եք ու ձեր բարոյապաշտությունն էլ կեղծ է։

Հաջորդը, մարդ որքա՞ն տհաս պետք է լինի, որ սեռը փոխելու վիրահատությունը համեմատի մարդկանց բնածին արատի կամ սրտի ու լյարդի վիրահատության հետ։ Ժողովուրդ, այս ո՞ւմ ենք վստահել մեր երկրի ղեկը։ Որքա՞ն ենք հանդուրժելու այս տգիտությունը։

Եվ վերջապես հետևյալը՝ դասադուլ ու նստացույց անող ուսանողներն իրենց մայրենի լեզուն են վերցրել անձնական պաշտպանության տակ։ Լեզուն, գրականությունն ու պատմությունը։ Իսկ դո՞ւ, պարոն Փաշինյան… Հիմա հասկացա՞ր՝ ով ես դու և ով նրանք։ Այ այդպես, չմոռանաս երբեք։

Այս ամենն ինձ այսքան չէր զայրացնի, եթե չհասկանայի մի պարզ բան։ Այն, որ Փաշինյանն ու իր ատելության կուսակցությունը երկրում արժեհամակարգ են փոխում։ Խարխլում են բոլոր այն հիմքերը, որոնցով ուժեղ է Հայաստանը։ Եվ դրա մասին չխոսել այլևս չի կարելի։ Ավելին՝ աղաղակել է պետք դրա մասին։ Երբ գրառման սկզբում նշեցի, որ Փաշինյանի ելույթն իրավիճակ է փոխում, հենց դա նկատի ունեի։ Արայիկը կլինի Հարությունյան, Արևիկը Անափիոսյան, թե Հովհաննեսը Հովհաննիսյան… կամ էլ, թե Ատելության կուսակցության ցանկացած այլ անդամ, նրանց նպատակներն ու ծրագրերը վաղուց արդեն պարզ են։ Նիկոլ Փաշինյանն էլ ոչ թե գործիք է նրանց ձեռքում, այլ ոգևորողն ու առաջամարտիկը։ Հետևաբար կոչս կլինի հետևյալը՝ Նիկոլ հեռացի՛ր։

Հրանտ Մելիք-Շահնազարյանի ֆեյսբուքյան էջից

Այս խորագրի վերջին նյութերը