Քաղաքական

31.08.2019 10:56


Բակո Սահակյանը շնորհավորական ուղերձ է հղել Ռոբերտ Քոչարյանին

Բակո Սահակյանը շնորհավորական ուղերձ է հղել Ռոբերտ Քոչարյանին

Արցախի Հանրապետության նախագահ Բակո Սահակյանն օգոստոսի 31-ին շնորհավորական ուղերձ է հղել ԱՀ առաջին և ՀՀ երկրորդ նախագահ Ռոբերտ Քոչարյանին, տեղեկացնում են ԱՀ նախագահի մամուլի գրասենյակից։

Ուղերձում ասված է.

«Մեծարգո՛ Ռոբերտ Սեդրակի,

Ի սրտե շնորհավորում եմ Ձեզ հիշարժան հոբելյանի՝ Ձեր ծննդյան 65-ամյակի կապակցությամբ:
Որպես Արցախյան ազգային-ազատագրական պայքարի առաջնորդներից մեկը և Արցախի Հանրապետության առաջին նախագահ՝ Դուք նշանակալի ներդրում եք ունեցել մեր անկախ պետականության ստեղծման, կայացման ու զարգացման, հարազատ ժողովրդի պաշտպանունակության ապահովման ու ամրապնդման, հաղթանակների կերտման գործում:

Մեկ անգամ ևս շնորհավորում եմ Ձեզ և մաղթում խաղաղություն, քաջառողջություն ու ամենայն բարիք»։

Այս խորագրի վերջին նյութերը