Մարտի 29-ին, ժամը 15.00-ին, Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում, նախագահությամբ դատավոր Էդիկ Ավետիսյանի, կշարունակվի «Ժառանգություն» կուսակցության պատգամավոր Զարուհի Փոստանջյանի բողոքի դատաքննությունն ընդդեմ ՀՀ ոստիկանության Երևան քաղաքի վարչության պետ Ներսես Նազարյանի պաշտոնեական անգործության:

Հիշեցնենք, որ նախորդ' մարտի 17-ին կայացած դատական նիստում փաստաբան Վահե Գրիգորյանը դատարանին ներկայացրեց Զարուհի Փոստանջյանի լրացուցիչ բողոքի պահանջը, ըստ որի' ՀՀ ոստիկանության Երևան քաղաքի վարչության պետ Ն. Նազարյանի 26.02.2010թ. որոշումը' նյութերն ըստ ենթակայության ուղարկելու մասին, պետք է վերացնել և պարտավորեցնել Ն. Նազարյանին' կատարել ՀՀ քրեադատավարական օրենսգրքի 181 հոդվածի 1-ին կետի պահանջը, մասնավորապես' կայացնել որոշումներ քրեական գործեր հարուցելու մասին: