ՀՀ արտգործնախարար Էդվարդ Նալբանդյանի հետ համատեղ մամուլի ասուլիսի ժամանակ Սլովակիայի արտաքին գործերի նախարար Միրոսլավ Լայչակը նշել է, որ ԵՄ-ն աջակցում և շնորհավորում է այն ակտիվությունը, որը բերեց հայ-թուրքական արձանագրությունների ստորագրմանը, և ցանկանում է տեսնել նաև դրանց վավերացումը թե՛ Հայաստանի, թե՛ Թուրքիայի խորհրդարաններում։ Նա նշել է, որ Թուրքիան ԵՄ անդամագրվելու թեկնածու է, ինչը նրան որոշակի կարգավիճակ է տալիս, սակայն այդ գործընթացի համար պետությունը պետք է հստակ կատարի այն պայմաններն ու պարտավորությունները, որ վերցրել է իր վրա։

Ինչ վերաբերում է ղարաբաղյան հակամարտությանը, Միրոսլավ Լայչակը նշել է, որ ԵՄ-ն մեծ ուշադրությամբ է վերաբերվում այդ հարցին, աջակցում է ԵԱՀԿ ՄԽ-ի ակտիվությունը և մադրիդյան սկզբունքների հիման վրա ընթացող գործընթացին։

-Մենք մտադիր չենք որևէ կերպ մտնել գործընթացի մեջ, քանի որ կարծում ենք, որ այդ գործընթացն ունի իր չափորոշիչները, կան Մինսկի խմբի համանախագահները, և մենք աջակցում ենք այն կառույցներին, որոնք արդեն իսկ գործում են,- ասել է նախարարը։

7or.am