Անդրադառնալով ՀՀ էկնոմիկայի նախարար Ներսես Երիցյանի այն խորհրդին, որ Գագիկ Ծառուկյանը գնահատական տա «Բարգավաճ Հայաստան» կուսակցության անդամ նախարարներին և նրանց գործունեությանը, իսկ իր աշխատանքի գնահատականը կտան Հայաստանի հանրապետության նախագահն ու վարչապետը, «Բարգավաճ Հայաստան» խմբակցության անդամ Նաիրա Զոհրաբյանն այսօր «7օր»-ին ասել է.

-Ներսես Երիցյանը շատ երկար ճանապարհ պետք է անցնի Գագիկ Ծառուկյանին խորհուրդ տալու իրավունքը վաստակելու համար: Ինչ վերաբերում է իր աշխատանքի գնահատականին, ապա կառավարության անդամի աշխատանքի գնահատականն առաջին հերթին պետք է տա հասարակությունը, իսկ Գագիկ Ծառուկյանը կոնկրետ Ներսես Երիցյանի աշխատանքի մասին փոխանցել է հանրության կարծիքը, այն հանրության, որն ամեն օր իր մաշկի վրա է զգում նաև Ներսես Երիցյանի տնտեսական քաղաքականության հետևանքները: Պարոն Երիցյանին խորհուրդ կտայի խորհուրդներ տալու փոխարեն, այն դեպքում երբ երկրում արձանագրվում է 17% տնտեսական անկում, ընդամենը մեկ պարզ գործով զբաղվել, հրաժարականի դիմում գրել:

7or.am