Քիչ առաջ ՀՀ վարչապետ Տիգրան Սարգսյանն Արտակարգ իրավիճակների և Տրանսպորտի ու կապի նախարարության աշխատակիցներին է ներկայացրել նորանշանակ նախարարներին։ Հիշեցնենք, որ մարտի 13-ին «Օրինաց երկիր» կուսակցության քաղաքական խորհուրդը որոշել էր ՕԵԿ քվոտայով արտակարգ իրավիճակների նախարար Մհեր Շահգելդյանին և տրանսպորտի ու կապի նախարար Գուրգեն Սարգսյանին ետ կանչել և Տրանսպորտի նախարարի պաշտոնում ՀՀ նախագահին ներկայացնել Մանուկ Վարդանյանի, իսկ արտակարգ իրավիճակների նախարարի պաշտոնում՝ Արմեն Երիցյանի թեկնածությունները:

Երեկ արդեն ՀՀ նախագահի հրամանով Մանուկ Վարդնայնանն ազատվել է ՀՀ նախագահի խորհրդականի պաշտոնից և նշանակվել ՀՀ տրանսպորտի և կապի նախարար, իսկ Արմեն Երիցյանն ազատվել է ՀՀ կառավարությանն առընթեր ՀՀ ոստիկանության պետի առաջին տեղակալի պաշտոնից և նշանակվել Արտակարգ իրավիճակների նախարար։

7or.am