Առաջին անգամ Հայաստանում ՆԱՍԴԱՔ ՕԷՄԷՔՍ Արմենիա-ն անցկացնելու է մրցանակաբաշխություն ներդրումային ծառայություններ մատուցող և Բորսայի անդամ հանդիսացող ընկերությունների միջև: «Բորսայի լավագույն անդամ» մրցանակը նպատակ է հետապնդում խրախուսելու Բորսայի տարբեր հարթակներում առավելագույն ներգրավվածություն ունեցող, ինչպես նաև Հայաստանում կապիտալի շուկայի զարգացմանն ու կատարելագործմանն ուղղված միջոցառումներին մասնակցող և մասնագիտական էթիկայի կանոններին հավատարիմ ներդրումային ծառայություններ մատուցող ընկերություններին:

2010թ.-ի արդյունքներով մրցանակը հանձվելու է հետևյալ անվանակարգերում.

1. Բորսայի լավագույն անդամ' կորպորատիվ արժեթղթերի շուկայում
2. Բորսայի լավագույն անդամ' պետական պարտատոմսերի շուկայում
3. Բորսայի լավագույն անդամ' արտարժույթի շուկայում
4. Բորսայի լավագույն անդամ' վարկային ռեսուրսների շուկայում

ՆԱՍԴԱՔ ՕԷՄԷՔՍ Արմենիա-ի անդամների գործունեության գնահատումը ըստ վերոհիշյալ անվանակարգերի չափանիշների ավարտվելու է 2011թ. հունվար ամսին, իսկ «Բորսայի Լավագույն Անդամ» մրցանակակիրները հայտնի կդառնան հանդիսվոր արարողության ժամանակ' 2011թ. մարտի սկզբին:

NASDAQ OMX խմբում նմանատիպ մրցանակաբաշխություն անցկացվում է Բալթյան երկրներում 2006թ.-ից և արդեն դարձել է այդ շուկաների կարևորագույն իրադարձություններից մեկը: