Վրաստանի նախագահ Միխայիլ Սահակաշվիլին կարծում է, որ այս տարի Վրաստան կայցելի 1 մլն ռուսաստանցի զբոսաշրջիկ։ Հարկ է նշել նաև, որ ՌԴ ԱԳ նախարարությունը ապրիլի 12–ին հաղորդագրություն էր տարածել և ռուս զբոսաշրջիկներին զգուշացրել, որ Վրաստանում ՌԴ քաղաքացիների համար անվտանգության երաշխիքներ չկան և կոչ էր արել զերծ մնալ այդ երկիր այցելելուց։

Vesti.Az –ը հաղորդում է, թե իբր այսօր առավոտվանից Իրանի հետ սամանամերձ շրջանի բնակիչներից խմբագրությունը նամակներ է ստանում, որոնցում վերջիններս բողոքում են, թե արդեն մի քանի օր է ինչ իրանական ԶԼՄ–ները հայտնում են ադրբեջան–իրանական սահմանին ադրբեջանական տանկերի կուտակման մասին։

Հարութ Սասունյան. «Երբ անցյալ ամիս Թուքիայի արտաքին գործերի նախարարը գաղտնի հանդիպում ունեցավ մի խումբ հայերի հետ Վաշինգտոնում, նա իր նենգ ժպիտով և անուշ լեզվով սիրաշահեց նրանց սիրտը: Սա թուրքական ավանդական դիվանագիտության կեղծ դիմագիծն էր»։

Ինչպես ՀՀ տրանսպորտի և կապի նախարարությանը հայտնել են Վրաստանի ճանապարհային դեպարտամենտից, քանի որ Մցխեթա-Ստեփանծմինդա-Լարսի ճանապարհի Ստեփանծմինդա-Լարսի հատվածում մնում է մեծ ծավալով քարակույտ և քանդված է ճանապարհի պաստառը, երթևեկությունը թույլատրվում է միայն 3.5տ-ից ոչ ավելի ընհանուր քաշով մեքենաներին: Այլ մեքենաների համար երթևեկությունը արգելված է: Ճանապարհի այլ հատվածներում երթևեկությունը բաց է:

«Imedy TV» հեռուստաընկերության շենքի առջեւ տասնյակ ակտիվիստներ էին հավաքվել`իրենց բողոքն արտահայտելու «Կնոջ տրամաբանություն» հեռուստախաղի դեմ, որտեղ 6 տղամարդ մասնակիցները դրամական մրցանակ են շահում, եթե ճիշտ են կռահում, թե ինչպես 6 երիտասարդ, գրավիչ կանայք կպատասխանեն պարզ հարցերի, օրինակ`«Երկնային ո՞ր մարմնի շուրջ է երկրագունդը պտտվում»:

Վրաց Պատրիարքը կարևորել է հարկային բեռի թեթևացումը հատկապես գյուղատնտեսության ոլորտում՝ ընդգծելով, որ պետք է օգնել գյուղացուն էկոլոգիապես մաքուր մթերք արտադրելու գործում։ Իլիա II–ը համոզմունք է հայտնել, որ էկոլոգիապես մաքուր գյուղատնտեսական արտադրանքի պահանջարկը շատ բարձր է, և պետությունը հեշտությամբ կգտնի սպառման շուկաներ։

Ապրիլի 14–ին Ստամբուլում կայացել են միջազգային միջնորդների «վեցյակի» և Իրանի միջև բանակցությունները Իրանի միջուկային ծրագրի շուրջ։ «Վեցյակը» հաստատել է միջուկային էներգիայի խաղաղ օգտագործման Իրանի իրավունքը՝ պայմանով, որ Իրանը պահպանի միջազգային պարտավորությունները։

«Այն, ինչ այսօր տեղի է ունենում Վրաստանում, կոչվում է դիկ-տա-տու-րա»,- «Վզգլյադին» տված հարցազրույցում ասել է Վրաստանի նախկին նախագահ Էդուարդ Շեվարդնաձեն՝ անդրադառնալով ընդդիմադիր գործիչ, միլիարդատեր Բիձին Իվանիշվիլիին քաղաքացիություն չշնորհելու փաստին։

ԼՂՀ պաշտպանության բանակի հրամատար Մովսես Հակոբյանը մեկնաբանել է Ադրբեջանի սպառնալիքները՝ կործանել Ստեփանակերտ ուղևորվող ինքնաթիռները. «Մեր օդանավակայանն անպայման գործարկվելու է, անվտանգության առումով որևէ խնդիր չկա։ Իհարկե, Ադրբեջանը կարող է ինքնաթիռ խփել նաև Երևանի տարածքում, բայց այսօր մեր հակաօդային պաշտպանությունն էլ Ադրբեջանի տարածքում օրվա ընթացքում 260 ինքնաթիռ է ուղեկցում»:

«...Իրանի դեմ պատերազմում Իսրայելի քիչ հավանական դաշնակիցներից կարող է դառնալ Ադրբեջանը։ Դա են վկայում Foreign Policy–ում Օբամայի վարչակազմից հայտնված տեղեկատվական արտահոսքերը։ Ընդ որում, դրանցում ճշմարտության հատիկներ կան»,–այդ մասին ասված է arabnews.com–ում հրապարակված Լինդա Հերդի(Linda Heard) հոդվածում։

Իրանի իշխանությունները հաստատել են իրենց պատրաստակամությունը՝ «վեցյակի» հետ Իրանի միջուկային ծրագրի շուրջ ապրիլի 14–ին բանակցություններ անցկացնել Ստամբուլում։ Միաժամանակ Իրանը հայտարարել է, թե բանակցությունները կշարունակի միայն Բաղդադում։

Գյանջայում զինված խումբը դիմադրություն է ցույց է տվել՝ կրակ բացելով անվտանգության ուժերի աշխատակիցների ուղղությամբ: Արդյունքում, զոհվել է անվտանգության ծառայության մեկ աշխատակից, ևս երեքը ստացել են տարբեր աստջիճանի մարմնական վնասվածքներ:

Թուրքիայի նախագահ Աբդուլլա Գյուլը չի բացառել, որ Իրանի միջուկային ծրագրի շուրջ Թեհրանի և Արևմուտքի միջև լարվածության խորացումը կարող է վերաճել պատերազմի: «Թուրքիան չի կարող իրեն թույլ տալ իրադարձություններին հետևել հեռվից, այդ պատճառով դիվանագիտական ակտիվությունը և ռազմական պատրաստվածությունը Թուրքիայի համար ոչ թե ընտրություն են, այլ՝ անհրաժեշտություն»,-ասել է Գյուլը։

Վրաստանը միակողմանիորեն չեղյալ է հայտարարում Ռուսաստանի հետ կնքված «Բաց երկինք» համաձայնագիրը, ինչի մասին արդեն իրազեկվել են համաձայնագրի անդամ մնացած երկրները։ «Բաց երկինք» օդային հաղորդակցության մասին համաձայնագիրն ընդունվել էր 1992 թ.-ին: Այսօր դրան անդամակցում է 34 երկիր` այդ թվում և Հայաստանը:

Ըստ ստացած տեղեկության՝ ԱՄՆ ռազմածովային ուժերի ավիակիր հարվածային խումբը ատոմային ավիակիր «Աբրահամ Լինկոլնի» գլխավորությամբ գտնվում է Արաբական ծովում և շարժվում դեպի հարավ։ Մյուս ավիակիր խումբն ատոմային ավիակիր «Կառլ Վինսոնի» գլխավորությամբ 3 ամիս Պարսից ծոցում տեղակայվելուց հետո շարժվում է Հարավ–չինական ծով՝ ԱՄՆ ռազմածովային ուժերի 7–րդ օպերատիվ նավատորմի պատասխանատվության տարածք։ Նավերի այս խումբն արդեն շրջանցել է Հնդկաստանի հարավը և ուղևորվում է արևելք Բենգալյան ծոցով։

«Թե՛ մասնավոր զրույցներում, թե՛ քաղաքական շրջանակներում զրույցները հայկական պատվիրակության անդամներին բերել են այն համոզման, որ այդ մարդիկ բացարձակ այն տրամադրվածությունը չունեն, ինչ քարոզում է Ալիևը: Ադրբեջանի ժողովուրդը ուղղակի Ալիևի պատանդն է` մենք գործ ունենք ակնհայտ սուլթանատի հետ»:

Այսօր առավոտյան Թուրքիայի Իդիլ շրջանում երեք պայթյուն է տեղի ունեցել Քիրքուք-Յումուրտալըք նավթամուղի վրա։ Թուրքիայում գործող ոչ մի ծայրահեղական խմբավորում առայժմ չի վերցնում պատասխանատվությունը պայթյունների համար։

Հարութ Սասունյան. «Ադրբեջանցի պաշտոնատարները էլ ավելի անհանգստացած էին, ովքեր ենթադրում են, որ Տուվալուն արդեն շուտով կճանաչի Արցախը: Իշխող «ՆորԱդրբեջան» կուսակցության պատգամավոր Այդին Միրզազադեն լրագրող Ի. Իսաբալայևայի հետ հարցազրույցում ծաղրեց Տուվալուի պատրաստակամությունը «ճանաչելու որևէ պետություն, նույնիսկ գոյություն չունեցող երկրի, փոքր գումարի դիմաց»»։