Վրաստանի նախագահ Միխեիլ Սաակաշվիլին պատրաստակամ է ենթարկվել խորհրդարանի որոշմանը, թեև այն կայացվելու է մեկ մարդու՝ վարչապետ Բիձինա Իվանիշվիլիի հրահանգով։ Վրաստանի խորհրդարանը մտադիր է զրկել Սահակաշվիլիին նախագահի համար սահմանված արտոնություններից՝ պետական պահպանության ծառայությունից, թիկնապահներից, ինքնաթիռներից, զրահապատ մեքենաներից և այլն։

Քութայիսում շուրջ 100 մարդ հարձակվել է երկրի նախագահ Միխայիլ Սահակաշվիլիի և նրան ուղեկցող մեքենաների վրա, սակայն թիկնազորին հաջողվել է պաշտպանել նախագահին։ Կատաղած ամբոխը քարեր է նետել նախագահի ու նրան ուղեկցող անձանց ուղղությամբ:

Խոսքը գնում է Ղազախստանի, Կասպից ծովի, Ադրբեջանի, Վրաստանի և Թուրքիայի (ներառյալ Սև ծովի) միջև՝ Ռուսաստանը շրջանցող տրանսպորտային միջանցքի մասին: Նույն երթուղով նախատեսված է կառուցել գազատարներ` Ադրբեջանից և Կենտրոնական Ասիայից դեպի Եվրոպա։

Համաձայն ԱՄՆ-ի ազգային ժողովրդավարական ինստիտուտի(NDI)Վրաստանում արած հարցումների՝ երկրում քաղաքական գործիչների մեջ ամենաբարձր վարկանիշն ունի վարչապետ Բիձինա Իվանիշվիլին։ Հարցվածների 80%-ը հավանություն է տվել Իվանիշվիլիի գործունեությանը, և միայն 29%-ն է դրական գնահատել Վրաստանի նախագահ Միխայիլ Սաակաշվիլիին:

Իրանի արտգործնախարար Ալի Աքբար Սալեհինի կարծիքով՝ Թուրքիայում «Պատրիոտ» զենիթահրթիռային համակարգերի տեղակայումը անկանխատեսելի հետևանքներ կարող է ունենալ։ Նա այդ քայլը սադրիչ է անվանել՝ ընդգծելով, որ դա տարածաշրջանի անվտանգության ապահովմանը չի նպաստի։

Թուրքիայի Քոնիա քաղաքում Արևելքի մեծ բանաստեղծ, փիլիսոփա Ջելալեդին Ռումիին նվիրված ավանդական միջոցառմանը Իրանի նախագահ Մահմուդ Ահմադինեժադը չի մասնակցի։ Չնայած նախապես ծրագրված Իրանի նախագահի այցին, ըստ իրանական լրատվամիջոցների՝ այն չեղյալ է հայտարարվել։ Հաղորդվում է նաև, որ մոտ ժամանակներս Մահմուդ Ահմադինեժադը կայցելի Իրաք:

Ադրբեջանի արտգործնախարար էլմար Մամեդյարովի գլխավորած պատվիրակությունն այսօր մեկնելու է Ստամբուլ` մասնակցելու Սևծովյան տնտեսական համագործակցության կազմակերպության (ՍՏՀԿ) արտգործնախարարների խորհրդի 27-րդ նիստին: Ըստ նախատեսվածի՝ նիստում քննարկվելու է ՍՏՀԿ անդամ երկրների միջև համագործակցությունը, ՍՏՀԿ-ի ու ԵՄ-ի համագործակցությունը և այլ կարևոր խնդիրներ:

Ռուսաստանի հետ հարաբերությունների կարգավորման հարցերով Վրաստանի վարչապետի հատուկ ներկայացուցիչ Զուրաբ Աբաշիձեն այսօր Ժնևում կհանդիպի Ռուսաստանի ԱԳ փոխնախարար Գրիգորի Կարասինի հետ։ Աբաշիձեն հայտնել է, որ Ռուսաստանի ներկայացուցիչների հետ առաջին հանդիպմանը չի բարձարացվելու Աբխազիայի և Հարավային Օսիայի հարցը՝ այն ավելի շատ կրելու է «տեխնիկական բնույթ»:

«Ամառանոցները, ամեն տեսակի շինություններ, արտոնություններ, որոնք ունեն պաշտոնյաները, մենք խլելու ենք և օգտագործելու ենք: Այդ գումարները ձեզ վրա են ծախսվելու։ Կարիքավորներին օգնելը կառավարության առաջնահերթություններից է, և այդ նպատակին են ծառայեցվելու նաև խոշոր բյուջետային միջոցներ»,- հայտարարել է Իվանիշվիլին:

Ինչպես տեղեկացրել էինք, նախօրեին Բելառուսի նախագահ Ալեքսանդր Լուկաշենկոն հայտարարել էր, թե պատրաստ է ծնկի իջնել Վրաստանի առաջ և խնդրել վերջինիս վերադառնալ ԱՊՀ կազմ։ Մեկնաբանելով այս հայտարարությունը՝ Վրաստանի ԱԳ նախարար Մայա Պանջիկիձեն ասել է. «Վրաստանն ընտրել է իր արտաքին քաղաքական ուղղությունը և մտադիր չէ վերադառնալ ԱՊՀ կազմ...»։

Երկարատև բանակցություններից հետո Ռուսաստանը հրաժարվել է երկարացնել Գաբալայի ռադիոտեղորոշիչ կայանի շահագործման մասին Ադրբեջանի հետ կնքած պայմանագիրը: Ըստ որոշ տեղեկությունների, նախկինում Մոսկվան տարեկան 7 մլն դոլար է վճարել վարձակալման համար, սակայն այժմ Ադրբեջանը 300 մլն է պահանջել, ինչին Ռուսասատնը չի համաձայնել։

Վրաստանի նախագահ Միխայիլ Սահակաշվիլին նորընտիր վարչապետ Բիձինա Իվանիշվիլիին առանձնազրույցի է հրավիրել, սակայն նա մերժել է այդ հանդիպման առաջարկը։ Սահակաշվիլին ցանկանում է, որ հարթեն իրենց տարաձայնությունները, իսկ Իվանիշվիլին այդպիսի անհրաժեշտություն չի տեսնում։ Իսկ նրանց միջև նոր խնդիր է ծագել։ Սահակաշվիլին հրամանագիր է ստորագրել, համաձայն որի երկքաղաքացին չի կարող Վրաստանի պետական բարձր պաշտոնյա լինել։

«Associated Press» տեղեկացնում է, որ Իրանը գործարկել է YouTube վիդեոհոսթինգի սեփական տարբերակը: Սակայն, արևմտյան փորձագետների համոզմամբ՝ համացանցային նոր ռեսուրսը ցանկալի արդյունք չի տա, քանի որ այն գտնվելու է պետական խիստ գրաքննության տակ։ Ըստ Իրանի պետական հեռուստատեսության՝ նոր կայքի ստեղծման նպատակը իսլամական մշակույթն ու արվեստը հանրաճանաչ դարձնելն է:

Թուրքիայի ԱԳ նախարար Ահմեթ Դավութօղլուն հայտարարել է, որ Լեռնային Ղարաբաղի հակամարտության հարցը քննարկել են ՌԴ արտգործնախարար Սերգեյ Լավրովի հետ։ Դավութօղլուն ընդգծել է, որ այդ հակամարտության լուծումը կբացի Թուրքիայի ճանապարհը և որ իրենք շոշափելի առաջընթաց են ակնկալում Հայաստանի և Ադրբեջանի բանակցություններից։

Վրաստանի ՆԳՆ մամուլի ծառայությունը հայտարարություն է տարածել, որում ասվում է, որ նախկին վարչապետ Վանո Մերաբիշվիլին փորձել է անօրինական կերպով հատել վրաց-հայկական սահմանը, ինչի կապակցությամբ քրեական գործ է հարուցվել։ «Грузия Online»–ի փոխանցմամբ՝ պարզվել է, որ Մերաբիշվիլին սահմանը փորձել է հատել Գորա Ծերեթելի անուն–ազգանունով և ՆԳՆ նախկին փոխնախարար Գեորգի Լորդկիպանիձեի լուսանկարով անձնագրով:

Դեկտեմբերի 5-ին Վրաստանի խորհրդարանը 77 կողմ, 14 դեմ ձայներով ընդունել է որոշումը՝ 190 անձի քաղբանտարկյալ, իսկ 25-ին քաղաքական հալածյալ ճանաչելու մասին որոշումը: Ցանկում ընդգրկվել են քաղաքական, հասրակական այն գործիչները, ովքեր դատապարտվել են Վրաստանի նախկին կառավարության կողմից կամ ստիպված են եղել հեռանալ երկիրից:

Արա Աբրահամյանի հայտարարությունը Նիժեգորոդի դատախազություն ներկայացվել է այս տարվա հոկտեմբերի 24-ին։ Դրանում Ռուսաստանի հայերի միության նախագահն անդրադարձել է Վիդադի Աբասովի արած հայտարարություններին։ Մասնավորապես, սեպտեմբերի 7-ին Vesti.Az–ի հոդվածում Աբասովն ասել էր, թե «Մոսկվայում կայանալիք հանրահավաքին հայերը կբերեն իրենց կանանց ու սիրուհիներին»։ Արա Աբրահամյանի դիմումում նշված է, որ այս արտահայտությունը վիրավորում է հայերի արժանապատվությունն ու հրահրում ազգային ատելություն Ռուսաստանում։

ՌԴ նախագահ Վլադիմիր Պուտինը մեկօրյա այցով գտնվում է Թուրքիայում։ Նա հանդիպել է Թուրքիայի վարչապետ Ռեջեփ Թայիփ Էրդողանի հետ, մասնակցել ռուս-թուրքական համագործակցության բարձրագույն խորհրդի նիստին, ստորագրել է 11 փաստաթուղթ և համաձայնագրեր: Երկու երկրները նպատակ ունեն առևտրաշրջանառությունը հասցնել 100 մլրդ դոլարի: Պայմանավորվածություն է ձեռք բերվել հաջորդ տարի Համագործակցության խորհրդի 4-րդ նիստն անցկացնել Ռուսաստանում: