Ինչպես արդեն տեղեկացրել էինք, 2013թ. նախագահական ընտրություններին որպես թեկնածու հայտ ներկայացրած տասնհինգ հոգուց միայն յոթն են ամբողջությամբ ներկայացրել փաստաթղթերը մինչև դեկտեմբերի 4–ը։ Սակայն հաշվի առնելով այն հանգամանքը, որ տոնական օրերին բանկերը չեն աշխատել և ոչ բոլորն են կարողացել 8 միլիոն դրամ ընտրագրավը մուծել՝ նախագահացուների ցուցակը դեռ կարող է փոփոխության ենթարկվել։

Ֆրանսիացի հայտնի դերասան Ժերար Դեպարդիեն Սոչի է մեկնել, որտեղ էլ, ենթադրվում է, նրան կհանձնվի ՌԴ անձնագիրը:

Հայ Առաքելական Ս. Եկեղեցին Հիսուս Քրիստոսի Ս. Ծննդյան տոնը նշում է հունվարի 6-ին: Կաթոլիկ եկեղեցին այդ տոնը նշում է դեկտեմբերի 25-ին: Մինչև 4-րդ դարը բոլոր քրիստոնյաները Ս. Ծնունդը նշել են հունվարի 6-ին: Սակայն անգամ քրիստոնեության ընդունումից հետո հռոմեացիները շարունակում էին հեթանոսական տոներ նշել: Բանն այն է, որ ‎դեկտմեբերի 25-ին մեծ շուքով նշվում էր արևի պաշտամունքին նվիրված տոնը: Հեթանոսական ավանդույթները խափանելու համար 336թ. Հռոմի եկեղեցին դեկտեմբերի 25-ը պաշտոնապես հռչակեց Հիսուս Քրիստոսի ծննդյան օր:

Վրաց պատրիարքարանի արտաքին կապերի գրասենյակի ղեկավար մետրոպոլիտ Գերասիմը հայտնեց, որ Իլյա Երկրորդին Լեռնային Ղարաբաղի վերաբերյալ ադրբեջանական լրատվամիջոցների կողմից վերագրվող արտահայտությունները ամբողջովին կեղծ են եւ չեն համապատասխանում իրականությանը։

Երևանի Կոմիտասի պողոտայի մի բնակիչ հունվարի 3-ին ոստիկանության Կենտրոնականի բաժնում հաղորդում է տվել, որ 22-ամյա դուստրը հունվարի 2-ին` ժամը 19.00-ին, դուրս է եկել Ե. Քոչարի փողոցի մի շենքից և չի վերադարձել:

Չնայած անցած շաբաթվա ընթացքում ամբողջ աշխարհում տեղի էին ունենում ամանորյա տոնակատարություններ, հակառակորդը, հավատարիմ մնալով իր սադրիչ գործելաոճին, ղարաբաղա-ադրբեջանական հակամարտ զորքերի շփման գծում հրադադարի պահպանման ռեժիմը խախտել է շուրջ 200 անգամ, որի ընթացքում, տարբեր տեսակի հրաձգային զինատեսակներից, հայ դիրքապահների ուղղությամբ արձակել է ավելի քան 1000 կրակոց:

Տղամարդկանց Men"s Health ամսագիրը կազմել է 2013թ. ամենասեքսուալ կանանց վարկանիշային ցուցակը: Այն գլխավորում է երգչուհի Քեթի Պերին: Երկրոդ տեղում դերասանուհի Միլա Կունիսն է, երրորդում ` դերասանուհի Քրիստինա Հենդրիկսը:

Հունվարի 4-ին, ժամը 20.30-ին, «Զվարթնոց» օդանավակայանի ավիացիոն անվտանգության կայանից ոստիկանության «Զվարթնոց» օդանավակայանի գծային բաժնում հաղորդում է ստացվել, որ Երևան-Մոսկվա չվերթի ուղևորներից մեկի մոտ փամփուշտներ են հայտնաբերվել:

Հունվարի 1-ին դատապարտյալների հիվանդանոցում մահացել է ՀՀ ԱՆ «Նուբարաշեն» քրեակատարողական հիմնարկի ցմահ դատապարտված Մանուկ Սեմերջյանը: Վերջինս 1993 թ մեղավոր էր ճանաչվել 4 անձանց սպանության մեջ (սպանությունները տեղի են ունեցել Ուկրաինայում) ու դատապարտվել էր մահապատժի՝ անձնական գույքի բռնագրավումով:

ՀՀ ԱԻ նախարարությունը տեղեկացնում է, որ հունվարի 5-ի ժամը 13.00-ի դրությամբ բոլոր ավտոճանապարհները հիմնականում անցանելի են:

Հայտնի է, որ բժշկական աստղագուշակն առաջնորդվում է երկնային մարմինների դիրքով` ծննդյան պահից սկսած ու մատնանշում ամենահավանական հիվանդությունները, որոնք կարող են սպառնալ այդ ժամանակահատվածում ծնվածին: Իսկ առողջական աստղագուշակն ընդամենը կարող է նշել ձեր «թույլ տեղերն» ու հոգ տանել, որ ախտաբանական երևույթներ չզարգանան: Առողջական աստղագուշակի գլխավոր նպատակը դրանց կանխարգելումն է: Ուրեմն, ինչի՞ վրա է հարկավոր ուշադրություն դարձնել:

Օդի ջերմաստիճանը 6-8-ը գիշերըկբարձրանա 4-6 աստիճանով, ցերեկընույնքան կնվազի, իսկ հունվարի 9-10-ըկնվազի ևս 3-5 աստիճանով:

Խուսափել ճարպոտ սննդի օգտագործումից, սնունդն ընդունել քիչ քանակությամբ, ընդմիջումներով ու հերթականությամբ:

Վրաստանի խոշոր քաղաքներում, երկրի նախագահ Միխայիլ Սահակաշվիլիի հրաժարականի պահանջով, զանգվածային բողոքի գործողություններ են տեղի ունեցել: Կենտրոնականը` նախագահի նստավայրի առջև տեղի ունեցած հանրահավաքն էր: Դրա կազմակերպիչները Սահակաշվիլիին վերջնաժամկետ են ներկայացրել` հեռանալ պաշտոնից մինչև հունվարի 20-ը, երբ փաստացի ավարտվում է վերջինիս պաշտոնավարման ժամկետը:

Հունվարի 4-ին, ժամը 21.40-ին ՀՀ արտակարգ իրավիճակների նախարարություն տեղեկություն է ստացվել, որ թունավորումով Գյումրի քաղաքի Մուսայելյան փողոցի թիվ 113/136 տնակի բնակիչներ Էդիկ, Սիրուշ և Օլգա Գևորգյանները (ծնվ. 1942թ., ծնվ.1947թ. և ծնվ.1987թ.) տեղափոխվել են հիվանդանոց:

«Ես երբեք չեմ համաձայնի այն մտքի հետ, որ մենք կորցրել ենք մեր հողերը: Մենք պարզապես ժամանակավորապես կորցրել ենք վերահսկողությունը այդ տարածքների նկատմամբ: Սակայն, արդարությունն անպայման մի օր կհաստատվի: Ինչպես Աբխազիան և Հարավային Օսիան ի սկզբանե եղել են Վրաստանի հողերը, այնպես էլ Լեռնային Ղարաբաղը պատկանել և պատկանում է Ադրբեջանին»:

Հունվարի 3-ին, ժամը 23.30-ի սահմաններում, անհայտ ավտոմեքենայի վարորդը Երևանի Այվազովսկու և Տիտոգրադյան փողոցների խաչմերուկում վրաերթի է ենթարկել 1960 թ. ծնված Անուշ Գասպարյանին, որը մարմնական վնասվածքներով տեղափոխվել է «Էրեբունի» բժշկական կենտրոն և գիտակցության չգալով՝ մահացել:<br>Կատարվում է քննություն:

Հունվարի 4-ին Երկիրը գտնվում էր Արեգակին ամենամոտ դիրքում, որն աստղագիտության մեջ կոչվում է պերիհելիոն (հունարեն պերի` մոտ և հելիոս` Արեգակ բառերից) կամ արևամերձ կետ: Երկրի միջին հեռավորությունն Արեգակից 149.6 մլն կմ է, որն ընդունված է որպես աստղագիտական միավոր (ա.մ.), սակայն քանի որ Երկրի ուղեծիրն էլիպսաձև է, այդ հեռավորությունը փոփոխվում է 147.1–152.1 մլն կմ-ի սահմաններում: