«Ագրարագյուղացիական միավորում» ՀԿ նախագահ Հրաչ Բերբերյանը հայտնել է, որ նախորդ տարվա համեմատ անասնակերի մեկ պարկը վաճառվում է երկու անգամ թանկ գնով՝ 2500-3000 դրամով։ Իսկ Սյունիքի մարզի արոտավայրերը Իրանին վարձայակալության տալու մասին Բերբերյանը նշել է, որ դրանք պետք է մնան տվյալ երկրի համար, բայց օգտագործվեն:

ՀՀ զինված ուժերի կազմավորման 21-ամյակի առթիվ Հայաստան ժամանած սփյուռքահայ գեներալները հունվարի 30-ին այցելել են ՀՀ ՊՆ Վազգեն Սարգսյանի անվան ռազմական ինստիտուտ: Բարձրաստիճան զինվորականներին նախ ուղեկցել են ինստիտուտի թանգարան, ներկայացրել ռազմական ուսումնական հաստատության ստեղծման պատմությունը:

Մայրաքաղաքի տրանսպորտի զարգացման ծրագրերի շրջանակում քաղաքապետ Տարոն Մարգարյանի նախաձեռնությամբ Եվրոպական Միության պատվիրակության ղեկավար, դեսպան Տրայան Հրիսթայի, Վերակառուցման և զարգացման եվրոպական բանկի և Ասիական զարգացման բանկի ներկայացուցիչների հետ միասին քննարկվել է Երևանի մետրոպոլիտենի հեռանկարային զարգացման ծրագիրը:

ԱՄՆ Հետաքնությունների դաշնային բյուրոյի աշխատակիցները ձերբակալել են 27-ամյա Կարեն(Գարի) Ղազարյանին՝ ներկայացնելով նրան կիբերհանցագործությունների և շանտաժի մեղադրանք։ Ըստ ԱՄՆ արդարադատության նախարարության՝ ներկայացված մեղադրանքների հանրագումարով, Ղազարյանին սպառնում է 105 տարվա ազատազրկում։

Սփյուռքահայ գեներալները շնորհակալություն են հայտնել հայրենիքի սահմաններն անառիկ պահող և հայ ժողովրդի խաղաղությունն ապահովող զինվորներին, նրանց հանձնել նվերներ:

ՀՀ ֆինանսների նախարարության աշխատակազմի ֆինանսական վերահսկողության տեսչությունը Գյումրիի քաղաքապետարանում 2012թ նոյեմբեր-դեկտեմբեր ամիսների ընթացքում իրականացրել է ստուգում ՀՀ Շիրակի մարզի քննչական բաժնի քննչի 24.10.2012թ. «Մասնագիտական ստուգումներ նշանակելու մասին» կայացրած որոշմամբ առաջադրված հարցերի շրջանակներում: Ստուգումների վերաբերյալ նյութերը 29.01.2013 թվականին ուղարկել է ՀՀ ոստիկանության քննչական գլխավոր վարչություն:

Ինչպես գրում է «Le Figaro»–ն, Ռուսաստանում տարածված խոսակցությունների համաձայն՝ գեղարվեստական մարմնամարզության օլիմպիական չեմպիոն, Պետդումայի պատգամավոր Ալինա Կաբաևան ՌԴ նախագահ Վլադիմիր Պուտինի սիրուհին է։

Ուստի կենտրոնական ընտրական շտաբը հետամուտ է լինելու նման փաստի վերաբերյալ յուրաքանչյուր ահազանգի և իրիրավասության շրջանակներում օրենքով նախատեսված միջոցներ է ձեռնարկելու այդ անձանց պատասխանատվության ենթարկելու համար:

Հարգելի քաղաքացիներ, ինչպես տեղյակ եք ՀՀ նախագահի թեկնածու Անդրիաս Ղուկասյանը չի ճանաչում ընտրությունների օրինականությունը և գտնում է, որ պետք է վերջ տալ ռեժիմի կողմից հասարակության վզին փաթաթած ֆարսը: Նա պահանջում է, որ Հանրապետական կուսակցության թեկնածու Սերժ Սարգսյանը չպետք է մասնակցի ընտրություններին, ինչը կարող է լինել միակ պայմանը, որպեսզի ընտրությունները անցնեն օրինական ճանապարհով:

Վարչապետ Տիգրան Սարգսյանն ընդունել է Հայաստանում ԱՄՆ արտակարգ և լիազոր դեսպան Ջոն Հեֆերնին և ԱՄՆ Միջազգային զարգացման գործակալության հայաստանյան գրասենյակի ղեկավար Քարեն Հիլիարդին:

«Ազգային համաձայնություն» կուսակցության ղեկավար, ՀՀ նախագահի թեկնածու Արամ Հարությունյանին զարմացրել է նախագահի մյուս երեք թեկենածուների՝ Հրանտ Բագրատյանի, Րաֆֆի Հովհաննիսյանի և Պարույր Հայրիկյանի համատեղ հայտարարությունը, քանի որ դա ի սկզբանե Արման Մելիքյանի առաջարկն է եղել։ Ա. Հարությունյանը համոզված է, որ էթիկայի ելնելով՝ այդ հայտարարությանը միանալու առաջարկ պետք է անեին նաև Արման Մելիքյանին դիմեին։

Սերժ Սարգսյանի որոշմամբ՝ Սարգիս Ղազարյանը նշանակվել է Իտալիայի Հանրապետությունում Հայաստանի Հանրապետության արտակարգ և լիազոր դեսպան (նստավայրը` Հռոմ):

Հունվարի 29-ին, ժամը 11.10-ին ահազանգ է ստացվել, որ Երևանի Վ. Փափազյան 16 շենքի 43-րդ բնակարանում ինքնասպանության փորձ է կատարվում:

«Երկրի նախագահը գյուղացուն չպետք է չասեր, թե «ե՞ս եմ մեղավոր, որ որդիներդ այստեղ չեն... Մյուս կողմից էլ, բնական է, որ այդպես պետք է լիներ, քանի որ մարդու շրջապատը շատ է ազդում իր վրա... Կոչ եմ անում ապագա նախագահներին՝ չմոռանալ, որ մի օր նախագահ չեք լինելու և մի գյուղում բանջարաբոստանային կուլտուրաների մշակմամբ եք զբաղվելու»,–ասել է բանախոսը։

Նեղոսում՝ Եգիպտոսի հարավային հատվածում զբոսանավ է խորտակվել։ Բոլոր 112 ուղևորները փրկվել են։ Զբոսանավը Լուսկորից ուղևորվում էր Ասուան։

ՀԿԿ Կենտկոմի պլենումը որոշել է ՀՀ նախագահի թեկնածուներից ոչ մեկին չսատարել: Այս մասին լրագրողներին ասել է Հայաստանի կոմունիստական կուսակցության կենտկոմի առաջին քարտուղար Ռուբեն Թովմասյանը։

Հունվարի 30-ին` ժամը 09.45-ի դրությամբ, հանրապետության ողջ տարածքում առանց տեղումների եղանակ է: Արմավիրի, Նոյեմբերյանի, Գորիսի, Գավառի ավտոճանապարհներին եւ Դիլիջանի ոլորաններում տեղ-տեղ առկա է մերկասառույց: Բքի պատճառով դժվարանցանելի է Երեւան-Մեղրի մայրուղու Տիգրանաշենի ճանապարհահատվածը:

ՀՀ նախագահ Սերժ Սարգսյանը ցավակցական հեռագիր է հղել Ղազախստանի Հանրապետության նախագահ Նուրսուլթան Նազարբաևին՝ Ալմաթիի քաղաքի մոտ տեղի ունեցած ավիավթարի կապակցությամբ, որին զոհ են գնացել բազմաթիվ քաղաքացիներ: Երկրի ղեկավարի մամուլի գրասենյակի փոխանցմամբ, Սերժ Սարգսյանը խնդրել է իր վշտակցությունն ու զորակցությունը փոխանցել զոհվածների ընտանիքներին և հարազատներին: