Հունվարի 10-ի գիշերը 86 տարեկան հասակում մահացել է Հայաստանի վարչապետ Տիգրան Սարգսյանի խորհրդական Ֆադեյ Սարգսյանը: Ֆադեյ Սարգսյանը աշխատել է ԽՍՀՄ Պաշտպանության Նախարարության Հրետանային գիտատեխնիկական կոմիտեի հրթիռահրետանային գլխավոր վարչության տարբեր ղեկավար պաշտոններում, ԵրՄՄԳՀԻ-ի տնօրեն, ՀԽՍՀ Մինիստրների խորհրդի նախագահ, Հայաստանի Հանրապետության Գիտությունների Ազգային Ակադեմիայի ֆիզիկատեխնիկական գիտությունների և մեխանիկայի բաժանմունքի ակադեմիկոս-քարտուղար, այնուհետև ՀՀ Գիտությունների Ազգային Ակադեմիայի նախագահ (1993-2006)։

Ավարտվել է թիվ 10 ընտրատարածքում ԱԺ պատգամավորի ընտրության արդյունքների հաշվարկը: Նախնական տվյալների համաձայն՝ «Ազգային միաբանություն» կուսակցության ներկայացոցիչ Արա Սիմոնյանն ստացել է ընտրողների 7254 քվե, Հայ ազգային կոնգրեսի ներկայացուցիչ, «Հայկական ժամանակ» օրաթերթի գլխավոր խմբագիր Նիկոլ Փաշինյանը' 4822 քվե:

Ավարտվել է Կենտրոն համայնքի թիվ 10 ընտրատարածքում պատգամավորի ընտրությունը: Կենտրոնական ընտրական հանձնաժողովի տրամադրած տեղեկատվության համաձայն՝ ընտրությունների ավարտի՝ ժամը 20:00-ի դրությամբ քվեարկության մասնակիցների նախնական թիվը 13 566 է, կամ ընտրողների 24,29%-ը: Այս պահին քվեաթերթիկների հաշվարկ է ընթանում: